“বিশ্ব কণী দিৱস”ৰ লগত সংগতি ৰাখি বাল্মিকী ফাউণ্ডেশ্যনৰ সহযোগত ০৮/১০/২০২১তাৰিখে স্বেচ্ছাসেৱী সংগঠন “সদিচ্ছা”ৰ শিলপুখুৰীস্থিত কাৰ্যালয়ত অসমৰ প্ৰথমটো “এগ বেংক” মুকলি কৰা হয় । সদিচ্ছাৰ উপদেষ্টা জ্যেষ্ঠ সাংবাদিক প্ৰণয় বৰদলৈয়ে এগচি বন্তি প্ৰজ্বলনেৰে এগ বেংকৰ শুভাৰম্ভণি কৰে ।নিম্ন আয়ৰ ২০ গৰাকী মহিলাক সদিচ্ছাৰ তৰফৰ পৰা এক প্লেটকৈ কণী প্ৰদান কৰা হয় ।
লগতে চিকিৎসক আৰু স্বাস্থ্যকৰ্মীৰ দ্বাৰা এই মহিলাসকলৰ স্বাস্থ্য পৰীক্ষা কৰি বিনামূলীয়া ঔষধ, চাউল, চেনিটেৰী পেডছ, গাখীৰ, বিস্কুট আদি বিতৰণ কৰা হয় আনহাতে উক্ত অনুষ্ঠানতে “সদিচ্ছা”ৰ উদ্যোগত Father’s Old Age Home ৰ
বাবে কম্বল প্ৰদান কৰা হয়।
সদিচ্ছাৰ সভানেত্রী মনালিছা বৰুৱা আৰু সম্পাদিকা ময়ূৰী দত্তৰ নেতৃত্বত আৰু সক্রিয় সদস্য সকলৰ সহযোগত সদিচ্ছাৰ দ্বাৰা সময়ে সময়ে সমাজকল্যাণ মূলক বিভিন্ন কাৰ্যসূচী গ্ৰহণ কৰি অহা হৈছে বুলি তেওঁলোকে জানিবলৈ দিয়ে।
