বিশ্বৰ সবাতোকৈ ওখ শিৱৰ প্ৰতিমূৰ্তি নির্মাণ কৰা হৈছে ৰাজস্থানৰ ৰাজছামান্দ জিলাত ৷ আজি আনুষ্ঠানিকভাৱে উদ্বোধন কৰিবলগীয়া এই মূর্ত্তিটোৰ উচ্চতা হৈছে ৩৬৯ ফুট ৷ ‘বিশ্ব স্বৰ্পূপম’ (বিশ্বাসৰ মূৰ্তি) শনিবাৰে উদ্বোধনীৰ পিছত ৬ নৱেম্বৰলৈকে আধ্যাত্মিক আৰু সাংস্কৃতিক অনুষ্ঠান অনুষ্ঠিত হ’ব ৷
নিৰ্মাণৰ সময়ত প্ৰায় ৩০০০ টন তীখা আৰু লো, ২.৫ লাখ কিউবিক টন বালি ব্যৱহাৰ কৰা হৈছে। এই প্ৰতিমূৰ্তিয়ে প্ৰতি ঘণ্টাত ২৫০ কিলোমিটাৰ পৰ্যন্ত বতাহৰ গতি সহ্য কৰিব পাৰে। ৫১ বিঘা ভুমিত পাহাৰৰ ওপৰত নিৰ্মাণ কৰা প্ৰতিমূৰ্তিটো সম্পূৰ্ণ কৰিবলৈ দহ বছৰ সময়ৰ প্ৰয়োজন হ’ব ৷ নিশাও স্পষ্টকৈ দেখা পোৱাৰ বাবে এই প্ৰতিমূৰ্তিটোৰ বাবে বিশেষ পোহৰৰ ব্যৱস্থাও কৰা হৈছে।
২০১২ চনৰ আগষ্ট মাহত সেই সময়তো মুখ্যমন্ত্ৰী অশোক গেহলট আৰু মোৰাৰী বাপুৰ উপস্থিতিত এই প্ৰকল্পৰ আধাৰশিলা স্থাপন কৰা হৈছিল। প্ৰথমে ২০১২ চনত এই মূৰ্তিটো ২৫১ ফুট ওখ কৰি নির্মাণ কৰিবলৈ পৰিকল্পনা কৰা হৈছিল যদিও পিছলৈ নিৰ্মাণৰ সময়ত ইয়াৰ উচ্চতা৩৬৯ ফুটলৈ বৃদ্ধি কৰা হয়। মূৰ্তিটোত লিফ্ট, চিৰি, হল আদি অন্যান্য সুবিধা আছে। পৰ্যটকসকলে দিনটো উপভোগ কৰিবলৈ ফুড ক’ৰ্ট, এডভেঞ্চাৰ পাৰ্ক, আৰু জংগল কেফে আদি স্থাপন কৰা হৈছে ৷
উল্লেখ্য যে বিশ্বৰ পাঁচটা ওখ শিৱ প্ৰতিমূৰ্তি হ’ল: বিশ্ব স্বৰূপম, ৰাজস্থান – ৩৬৯ ফুট, কৈলাশনাথ মহাদেৱ মন্দিৰ, নেপাল – ১৪৩ মিটাৰ, মাৰুদেৱেশ্বৰ মন্দিৰ, কৰ্ণাটক – ১২৩ মিটাৰ, আদিওগা মন্দিৰ, তামিলনাডু – ১১২ মিটাৰ, মংগল মহাদেৱ, মৰিচাছ – ১০৮ মিটাৰ .
