প্ৰতীক্ষাৰ অন্ত পেলাই ঘোষণা হ’ল চলিত বর্ষৰ ইণ্ডিয়ান প্ৰিমিয়াৰ লীগৰ মেচসমূহৰ সময়সূচী ৷ সেই অনুসৰি অহা ২৬ মার্চৰ পৰা অনুষ্ঠিত হ’ব আি পি এল ৷ ২৬ মাৰ্চত ৱাংখেডে ষ্টেডিয়ামত ইণ্ডিয়ান প্ৰিমিয়াৰ লীগৰ (আই পি এল) ১৫ তম সংস্কৰণৰ উদ্বোধনী খেলত ডিফেণ্ডিং চেম্পিয়ন চেন্নাই চুপাৰ কিংছ (চিএছকে)ৰ মুখামুখি হ’ব কলকাতা নাইট ৰাইডাৰ্ছ (কে কে আৰ)।চলিত বর্ষৰ আই পি এলৰ মেচসমূহ চাৰিটা স্থানত ক্ৰমে মুম্বাইৰ ৱাংখেড়ে ষ্টেডিয়াম,ক্ৰিকেট ক্লাব অৱ ইণ্ডিয়া (চিচিআই), নৱী মুম্বাইৰ ডি ৱাই পাটিল ষ্টেডিয়াম আৰু পুনেৰ মহাৰাষ্ট্ৰ ক্ৰিকেট এছ’চিয়েচন ষ্টেডিয়ামত অনুষ্ঠিত হ’ব৷ বিচিচিআইয়ে এক বিজ্ঞপ্তিত কয়, “৬৫ দিনৰ ভিতৰত মুঠ ৭০ খন লীগ মেচ আৰু ৪ খন প্লে অফ খেল অনুষ্ঠিত হ’ব।
