আজি বিশিষ্ট সাহিত্যিক তথা সাংবাদিক পদ্ম বৰকটকীৰ স্মৃতি দিৱস । চুটিগল্প, উপন্যাস, নাটক, কবিতা, শিশু-সাহিত্য আৰু অনুবাদ সাহিত্যৰ ক্ষেত্ৰত তেওঁ অসমীয়া সাহিত্যলৈ আগবঢ়োৱা বৰঙণি অনবদ্য । ৩৮খন উপন্যাস, পাঁচখন চুটিগল্প সংকলন, দুখন কবিতা সংকলন, তিনিখন শিশু-পুথি, পোন্ধৰখন নাটক আৰু বিভিন্ন বিষয়ৰ দহখন গ্ৰন্থ ৰচনা কৰা বৰকটকীয়ে ১৯৫৬ চনত ‘হিন্দুস্তান ষ্টেণ্ডাৰ্ড’ কাকতত ফিচাৰ লেখক হিচাপে কৰ্মজীৱনৰ পাতনি মেলিছিল ।
পিছলৈ তেওঁ আমাৰ প্ৰতিনিধি, নতুন প্ৰতিনিধি, The North East Daily, নতুন দৈনিক, ইস্তাহাৰ, সমকালীন, মাতৃভূমি, নতুন দিন আদি কাকত-আলোচনীৰ সম্পাদক হিচাপে কাৰ্যনিৰ্বাহ কৰিছিল । তেওঁ এসময়ত আকাশবাণীৰ সৈতেও জড়িত আছিল । তেওঁ ৰচিত গ্ৰন্থসমূহৰ ভিতৰত মনৰ দাপোন, জীৱন এষণা, নজ্বলা ধূপৰ ইতিকথা, নতুন দিনৰ কইনা, ৰীতাৰ প্ৰেম, সিঁচা পুখুৰীৰ মাছ (নাটক) আদি উল্লেখযোগ্য ।
২০০৮ চনৰ আজিৰ দিনটোতে তেওঁ ইহসংসাৰৰ পৰা চিৰদিনৰ বাবে আঁতৰি যায় । এইগৰাকী বৰেণ্য ব্যক্তিলৈ আমাৰ প্ৰণাম ।
