ইতিহাস ৰচনা কৰি আজি পঞ্জাৱৰ মুখ্যমন্ত্ৰী হিচাপে শপত গ্ৰহন কৰে আম আদমী পার্টী (আপ)ৰ নেতা ভগৱন্ত মানে ৷ স্বাধীনতা সংগ্ৰামী ভগত সিঙৰ জন্মস্থান খাটকাৰ কালানত আয়োজিত এক অনুষ্ঠানত শপত গ্ৰহণ কৰে মানে । দিল্লীৰ মুখ্যমন্ত্ৰী অৰবিন্দ কেজৰিৱাল আৰু আম আদমী পাৰ্টিৰ আন জ্যেষ্ঠ নেতাসকলেও শপত গ্ৰহণ অনুষ্ঠানত অংশগ্ৰহণ কৰে।
উল্লেখ্য যে শেহতীয়াকৈ পঞ্জাৱ বিধানসভা নির্বাচনত আম আদমী পাৰ্টীয়ে ১১৭ খন আসনৰ ভিতৰত ৯২ খন আসন লাভ কৰি বিপুল বিজয় সাৱ্যস্ত কৰিলে ৷ চাংৰুৰ জিলাৰ ধুৰী বিধানসভা সমষ্টিত মানে কংগ্ৰেছৰ দলবীৰ সিং গোল্ডীক ৫৮,২০৬ টা ভোটৰ ব্যৱধানত পৰাজিত কৰিছিল ৷ দিল্লীৰ পাছত পঞ্জাৱত বিজয় সাৱ্যস্ত কৰি ভাৰতৰ ৰাজনৈতিক ইতিহাসত নতুন অভিলেখ ৰচনা কৰিছিল ৷
