শীঘ্ৰে মাতৃ হ’ব বলিউডৰ জনপ্ৰিয় অভিনেত্ৰী সোনম কাপুৰ ৷ ছছিয়েল মিডিয়াৰ জৰিয়তে গর্ভধাৰণৰ কথা ৰাজহুৱা কৰিছে সোনমে ৷ এক অত্যন্ত আবেগিক পোষ্টৰ জৰিয়তে এই কথা সদৰী কৰি অভিনেত্ৰী গৰাকীয়ে কয় যে তেওঁলোকে সন্তানক আদৰিবলৈ আৰু অধিক অপেক্ষা কৰিব নোৱাৰে ৷ গর্ভধাৰণৰ কথা আনুষ্ঠানিকভাৱে সদৰী কৰাৰ লগতে ছচিয়েল মিডিয়াত সোনম আৰু তেওঁৰ স্বামী আনন্দ আহুজাৰ কেইবাখনো আকষর্ণীয় ফটো আপলোড কৰিছে ৷ এই পোষ্টতো আপলোড কৰাৰ পাছতে শুভাকাংশীৰ লগতে পৰিয়ালৰ সদস্যসকলে শুভেচ্চাৰে ওপচাই পেলাই সোনমক ৷ আনহাতে পৰিয়ালৰ সূত্ৰই সংবাদমাধ্যমক সদৰী কৰা অনুসৰি বর্তমান চাৰিমাহৰ গর্ভৱতী হৈছে সোনম ৷ সেয়েহে আগষ্টত তেওঁৰ সন্তান জন্ম হোৱাৰ সম্ভাৱনা আছে ৷
সোনম কাপুৰে কেইবা বছৰ ডেটিং কৰাৰ পিছত ২০১৮ চনৰ মে’ত প্ৰখ্যাত উদ্যোগপতি আনন্দ আহুজাৰ সৈতে বিবাহপাশত আৱদ্ধ হৈছিল৷ মুম্বাইত এক ব্যয়বহুল অনুষ্ঠানত তেওঁলোকৰ বিবাহকার্য সম্পন্ন হৈছিল ৷ দম্পতীহাল বৰ্তমান লণ্ডনত বাস কৰে ৷ সোনম কাপুৰক শেষবাৰৰ বাবে ২০১৯ চনৰ দ্য জয়া ফেক্টৰ চলচ্চিত্ৰত দেখা গৈছিল ৷
