‘গ্ৰেমী বঁটা ২০২২’মেমৰিয়াম শাখাত লতা মংগেশকাৰৰ নাম নথকাক কেন্দ্ৰ কৰি ভাৰতীয় সকলৰ মাজত সৃষ্টি হৈছে তীব্ৰ চাঞ্চল্যৰ। আনহাতে উল্লেখ কৰা নহ’ল বাপ্পী লাহিড়ীৰ কথাও ।
গ্ৰেমী বঁটাৰ ‘মেমৰিয়াম শাখাত নাইটিংগেল অফ ইণ্ডিয়াৰ নাম নাছিল যিয়ে তেওঁৰ অনুৰাগীসকলক বিচলিত কৰি তুলিছিল। ২০২২ চনৰ গ্ৰেমীৰ ইন মেমৰিয়াম শাখাত প্ৰয়াত ব্ৰডৱে ৰচয়িতা ষ্টিফেন চণ্ডহেইমৰ গানসমূহক শ্ৰদ্ধাঞ্জলি জ্ঞাপন কৰা হয়, যিটো চিন্থিয়া এৰিভো, লেছলি অডম জুনিয়ৰ, বেন প্লেট আৰু ৰাচেল জেগলাৰে পৰিৱেশন কৰিছিল। টেইলৰ হকিন্স আৰু টম পাৰ্কাৰকো স্মৰণ কৰা হৈছিল।
অস্কাৰ আয়োজন আৰু প্ৰদান কৰা একাডেমী অফ মোচন পিকচাৰ আৰ্টছ এণ্ড চাইন্সে স্বৰ্গীয় থিচপিয়ান দিলীপ কুমাৰৰ লগতে ইন মেমৰিয়াম শাখাত উল্লেখ কৰিবলৈ পাহৰি গৈছিল। লতা আৰু দিলীপ দুয়োজনে আমাক চলচ্চিত্ৰ আৰু সংগীতৰ কালজয়ী কাম দি ভাৰতীয় চলচ্চিত্ৰলৈ গুৰুত্বপূৰ্ণ অৱদান আগবঢ়াইছিল, সেয়ে অনুৰাগীসকলে কৈছিল যে সংগঠনটোৱে উপেক্ষা কৰিছিল দুয়ো ভাৰতীয় শিল্পীকে ।
ই বিশেষভাৱে লক্ষণীয কিয়নো আগতে একাডেমীয়ে ইয়াৰ ইন মেমৰিয়াম শাখাত ইৰফান খান, ভানু আথাইয়া, সুশান্ত সিং ৰাজপুত আৰু ঋষি কাপুৰক স্থান দিছিল।
২০২২ চনৰ ৬ ফেব্ৰুৱাৰীত মৃত্যু হোৱা লতা মংগেশকাৰৰ কেৰিয়াৰ এগৰাকী নেপথ্য গায়ক হিচাপে আৰম্ভ হৈছিল আৰু ৭০ বছৰতকৈও অধিক সময় জুৰি তেওঁ ভাৰতৰ সংগীত জগতলৈ নিৰবচ্ছিন্ন ভাৱে অৱদান আগবঢ়াই ইতিহাস ৰচনা কৰিছিল।
সেয়েহে তেওঁৰ অনুৰাগীসকলে ছচিয়েল মিডিয়া ছাইটত খং উজাৰিছে।
এজনে টুইটাৰত লিখিছে, “লতা মংগেশকাৰ শ্ৰদ্ধাঞ্জলিত নাছিল নেকি? হতাশ কিন্তু আচৰিত নহয়।”
আন এজনে লিখিছিল, “ইমান লাজৰ কথা যে যোৱা বছৰ মৃত্যু হোৱা ভাৰতীয় কিংবদন্তি গায়িকা লতা মংগেশকাৰক চিনাক্ত কৰাত ব্যৰ্থ হৈছে গ্ৰেমী।”
এজনে টুইট কৰিছিল, ” অস্কাৰ আৰু গ্ৰেমী দুয়োটাই স্বৰ্গীয় মহান লতা মংগেশকাৰক তেওঁলোকৰ নিজ নিজ মেমৰিয়াম শাখাত সন্মান জনোৱাত ব্যৰ্থ হৈছিল? এয়া এক লাজৰ বিষয়।
লতা মংগেশকাৰ ভাৰত ৰত্ন, পদ্মবিভূষণ, পদ্মভূষণ আৰু দাদাচাহেব ফালকে বঁটাৰে সন্মানিত হৈছিল। তেনে এগৰাকী শিল্পীক বিশ্বৰ আগশাৰীৰ দুই অনুষ্ঠানে পাহৰি যোৱাটো সঁচাকৈয়ে আশ্চৰ্যকৰ আৰু ভাৰতীয় সকলৰ বাবে ই লজ্জাজনক ৷
