আলমনড, কাজু , আখৰুট আদিয়েও উচ্চ ৰক্তচাপ নিয়ন্ত্ৰণ কৰিব পাৰে। কেনেকৈ? জানো আহক

শৰীৰৰ এক নীৰৱ ঘাটক হৈছে উচ্চ ৰক্তচাপ। কেৱল বয়সস্থ লোকৰেই নহয় যিকোনো বয়সৰ লোকৰ ক্ষেত্ৰত দেখা দিব পাৰে এই ৰোগে। অত্যাধিক ওজন , অনিয়ন্ত্ৰিত জীৱন-যাপন, অস্বাস্থ্যকৰ খাদ্যৰ বাবেই দেখা দিব পাৰে এই ধৰণৰ সমস্যাই। উচ্চ ৰক্তচাপত ঔষধ খোৱাৰ উপৰিও দৈনন্দিন খাদ্যৰ ওপৰতো গুৰুত্ব দিয়া উচিত। জানো আহকচোন এই খাদ্য সমূহৰ বিষয়ে-
১) প্ৰতিদিনে সতেজ ফল নেমু , আমলখী , আপেল , কমলা , কল , নাচপতি আদি খোৱাৰ অভ্যাস কৰিব লাগে।
২) প্ৰচুৰ পৰিমাণে শাক-পাচলি – পালেং শাক , কলমৌ শাক , বন্ধাকবি , ফুলকবি , বিলাহী , লাও , কোমোৰা , তিঁয়হ আদি খাব লাগে।
৩) ডাব নাৰিকলৰ পানী , কল , বিলাহী আদিত পটাচিয়াম প্ৰচুৰ পৰিমাণে থাকে। পটাচিয়াম থকা খাদ্যৰ পৰিমাণ খাদ্য তালিকাত বঢ়াব লাগে।
৪) পানীত তিয়াই থোৱা বাদাম যেনে – আলমনড , আখৰুট , কাজু আদি ৰাতিপুৱা খালি পেটত খালেও যথেষ্ট আৰাম পোৱা যায়।
৫) উচ্চ ৰক্তচাপ হ’লে প্ৰচুৰ পৰিমাণে মাছ খোৱা উচিত। কিন্তু তেলযুক্ত মাছ পৰিহাৰ কৰিব লাগে।