পশ্চিমবংগৰ অভিনেত্ৰী পল্লৱী দে’ৰ মৃত্যুৰ পিছতে এইবাৰ মডেল-অভিনেত্ৰী বিদিশা দে মজুমদাৰক মৃত অৱস্থাত পোৱা গৈছে নিজা এপাৰ্টমেণ্টত ৷ বিদিশাৰ এপাৰ্টমেণ্টত আৰক্ষীয়ে উদ্ধাৰ কৰিছে এটি চুইচাইড নোট ৷ হতাশাগ্ৰস্ত বিদিশাৰ সমস্যাপূৰ্ণ সম্পৰ্কৰ বাবে আত্মহত্যাৰ ফলত মৃত্যু হৈছে বুলি ইতিমধ্যে জানিব পৰা গৈছে ৷
যিসকল বিদিশা দে মজুমদাৰৰ ঘনিষ্ঠ আছিল তেওঁলোকে এতিয়াও বিশ্বাস কৰিব নোৱাৰে যে মডেল-অভিনেত্ৰীগৰাকীয়ে তেওঁৰ জীৱনৰ অন্ত পেলাইছে। ২১ বছৰীয়া যুৱতীগৰাকীক বুধবাৰে সন্ধিয়া দমদমৰ নাগৰবজাৰৰ ওচৰত থকা তেওঁৰ ভাড়াঘৰত ওলমি থকা অৱস্থাত আৱিষ্কাৰ কৰা হৈছিল। তেওঁ মাত্ৰ ডেৰ মাহ আগতে এপাৰ্টমেণ্টলৈ গুচি গৈছিল ৷মাক-দেউতাক আৰু বন্ধুবৰ্গৰ মতে উচ্চাকাংক্ষী অভিনেত্ৰীগৰাকী এক সমস্যাপূৰ্ণ সম্পৰ্কত আছিল।
বুধবাৰে সন্ধিয়া, বিদিশাৰ এজন ঘনিষ্ঠ বন্ধুৱে বিদিশাৰ সৈতে কিবা ভুল হোৱা বুলি সন্দেহ কৰি স্থানীয় আৰক্ষীক ফোন কৰিছিল। পুলিচে এপাৰ্টমেণ্টত উপস্থিত হৈছিল আৰু দুৱাৰখন ভাঙিব লগা হৈছিল কিয়নো তেওঁলোকে বিদিশাক ওলমি থকা দেখিছিল। বাতৰি অনুসৰি আৰক্ষীয়ে এটা চুইচাইড নোটও উদ্ধাৰ কৰিছে য’ত বিদিশাই তেওঁৰ মৃত্যুৰ বাবে কাকো দোষাৰোপ কৰা নাই বুলি জানিব পৰা গৈছে।বিদিশাৰ পিতৃ-মাতৃয়ে ইতিমধ্যে নাগৰবজাৰ আৰক্ষী থানাত এটা অভিযোগ দাখিল কৰিছে ৷ আৰক্ষী মৰণোত্তৰ পৰীক্ষাৰ প্ৰতিবেদনৰ বাবে অপেক্ষাৰত ৷
বন্ধুবৰ্গৰ মতে, বিদিশাই ২০১৯ চনত ফ্ৰিলেন্স মডেলিং আৰম্ভ কৰিছিল আৰু নাগৰবজাৰ এপাৰ্টমেণ্টত অকলে আছিল। অৱশ্যে, কিছুমানে কৈছে যে পিছলৈ তেওঁ হতাশাগ্ৰস্ত হৈছিল আৰু খবৰ অনুসৰি তেওঁৰ বন্ধুবৰ্গক কৈছিল যে একো সলনি নহ’লে তাই তাইৰ জীৱন শেষ কৰিব। উচ্চাকাংক্ষী অভিনেত্ৰীগৰাকী এগৰাকী জিম প্ৰশিক্ষকৰ সৈতে এক সমস্যাপূৰ্ণ সম্পৰ্কত আছিল আৰু তাইৰ প্ৰেমিক একাধিক সম্পৰ্কত থকাৰ বাবে তাই হতাশাগ্ৰস্ত হৈছিল।
যদিও বিদিশাই নিজৰ পেছাদাৰী জীৱনত নিয়মীয়াকৈ কাম কৰি আছিল তথাপিও সম্পৰ্কৰ সমস্যাৰ বাবে কষ্ট পাইছিল অভিনেত্ৰী গৰাকীয়ে ।
