বঙাইগাঁও জিলাৰ মাণিকপুৰৰ নিকটৱৰ্তী বাওঁবাৰীত অঘটন ৷ পাতিলাদহা আৰু বিজনীৰ মাজত বাওঁবাৰীস্থিত ৰে’লৱে পথৰ ৪৫৭নম্বৰ দলঙৰ তিনিটা খুটা বহি যোৱাৰ ফলত আবদ্ধ হৈ পৰিছে কেইবাখনো ৰে’ল ৷ পাতিলাদহা ৰে’ল ষ্টেচনত আবদ্ধ নামনিমুৱা নৰ্থ ইষ্ট এক্সপ্ৰেছ ৷
জানিবপৰা মতে বাওঁবাৰীত দ্বৈত ৰে’লপথৰ নতুনকৈ দলং নিৰ্মাণৰ কাম কৰাৰ বাবে পকলেণ্ডেৰে মাটি খান্দিবলৈ লওঁতে পুৰণি দলঙৰ তিনিটা খুটা বহি যোৱাৰ ফলত ৰে’লৱে ট্ৰেকৰো ক্ষতি সাধন হয় ৷ যাৰ বাবে ব্যাহত হৈ পৰে ৰে’ল যাতায়ত ৷ আনহাতে পাতিলাদহা ষ্টেচনত নামনিমুৱা নৰ্থ ইষ্ট এক্সপ্ৰেছ খন আৱদ্ধ হৈ পৰাত যাত্ৰী সকলৰ মাজত সৃষ্টি হয় হাহাকাৰ পৰিস্থিতিৰ ৷ ইফালে নিউ বঙাইগাঁও ষ্টেচনতো আবদ্ধ হৈ আছে কেইবাখনো ৰে’ল ৷
