মহানগৰীৰ বৰাগাঁৱৰ নিজৰাপাৰত ভয়ংকৰ ভূমিস্খলনৰ ফলত মৃত্যু চাৰিজনকৈ লোকৰ ৷ মূষলধাৰ বৰষুণৰ ফলত ঘৰৰ ওপৰত পাহাৰৰ মাটি খহি মৃত্যুক আকোৱালি ল’লে চাৰিজন লোকে ৷ জানিবপৰা মতে পেছাত মিস্ত্ৰী আছিল লোককেইজন। লোককেইজনৰ নাম মনোৱাৰ হুইছেন, মতিউৰ হক, আমৰুল হক আৰু হাচানুৰ আলী।
বৰাগাঁৱৰ নিজৰাপাৰত ভাৰাতীয়া হিচাপে থকা লোককেইজনৰ ঘৰৰ ওপৰত নিশা শুই থকাৰ সময়তে পাহাৰৰ মাটি খহি পৰে যাৰ ফলত মৃত্যু ঘটে চাৰিওজন লোকৰ।
ভূমিস্খলনৰ পিছতে এছ ডি আৰ এফ, আৰক্ষী–প্ৰশাসনৰ দ্বাৰা উদ্ধাৰ অভিযান আৰম্ভ কৰা হয় আৰু মাটিৰ তলৰ পৰা উদ্ধাৰকাৰী দলে উদ্ধাৰ কৰে চাৰিজন লোকৰ মৃতদেহ।
উল্লেখযোগ্য যে নয়ন ৰাজবংশী নামৰ লোকজনৰ ঘৰত ভাৰাতীয়া হিচাপে আছিল মৃত লোককেইজন।
