এইবাৰ বলীউডৰ জনপ্ৰিয় অভিনেত্ৰী আলিয়া ভাটে খোজ পেলাইছে হলীউড জগতত ৷ যাক লৈ বৰ্তমান সময়ত খলকনি উঠিছে চলচ্চিত্ৰ জগতত ৷ সন্তানসম্ভৱা আলিয়াই শেহতীয়াকৈ জনপ্ৰিয় সামাজিক মাধ্যম ইনষ্টাগ্ৰামত ছবিখনৰ ছেটৰ পৰা কলাকুশলী আৰু কৰ্মচাৰীৰ সৈতে আৰু ৱণ্ডাৰ ৱ’মেন তাৰকা গাল গাডোটৰ সৈতে কিছু ছবি শ্বেয়াৰ কৰিছে যাক লৈ বৰ্তমান খলকনিৰ সৃষ্টি হৈছে তেওঁৰ অনুৰাগী সকলৰ মাজত ৷
উল্লেখনীয় যে আহিবলগীয়া চলচ্চিত্ৰখনত গাল গাডোট আৰু আলিয়া ভাটক চোৰাংচোৱা কৰ্মী হিচাপে দেখুওৱা হৈছে। ছবিখনত অভিনয় কৰা আন আন্তঃৰাষ্ট্ৰীয় তাৰকাসকল হৈছে জেমি ডৰনান, ছফি অকনেডো আৰু মেথিয়াছ শ্বোৰোফাৰ।
ছবিসমূহ সামাজিক মাধ্যমত শ্বেয়াৰ কৰি শিৰোনামটোত, আলিয়াই তেওঁৰ সহ-তাৰকা আৰু পৰিচালকক এক “পাহৰিব নোৱাৰা অভিজ্ঞতা”ৰ বাবে ধন্যবাদ জনাইছিল আৰু প্ৰকাশ কৰিছিল যে তেওঁ “ঘৰলৈ ঘূৰি আহিছে।”হাৰ্ট অফ ষ্টোন ” – মোৰ সম্পূৰ্ণ হৃদয় জুৰি আছে। ধুনীয়া গাল গাডোটক ধন্যবাদ…। মোৰ পৰিচালক টম হাৰ্পাৰ … জেমি ডৰনানেক আজি মিছ কৰিছোঁ .. আৰু পাহৰিব নোৱাৰা অভিজ্ঞতাৰে সম্পূৰ্ণ দলটোলৈকে মোৰ মনত পৰি আছে । মোক দিয়া মৰম আৰু যত্নৰ বাবে মই চিৰদিন কৃতজ্ঞ হৈ থাকিম আৰু আপোনালোক সকলোৰে সৈতে চিনেমাখন চাবলৈ অপেক্ষা কৰিব নোৱাৰা হৈছো!!!!! কিন্তু এতিয়াৰ বাবে … মই ঘৰলৈ আহি আছোঁ (বেবি)।”
আনহাতে গাল গাডোটে পোষ্টটোত মন্তব্য কৰি লিখিছিল, “আমিও তোমাক মিছ কৰিছো।” তেওঁ আলিয়াৰ সৈতে এটা ইনষ্টাগ্ৰাম কাহিনীও শ্বেয়াৰ কৰি লিখিছিল, “মোৰ ছোৱালী আলিয়া ভাটক অলপ মৰম দিয়ক। যি আজি ‘হাৰ্ট অফ ষ্টোন’ক এক বিস্ময়কৰ প্ৰতিভা আৰু তেওঁৰ মহান ব্যক্তিত্বৰ সৈতে মেৰিয়াই লৈছে।” আলিয়াই গালৰ পোষ্টটো শ্বেয়াৰ কৰিছিল আৰু প্ৰতিক্ৰিয়া ব্যক্ত কৰিছিল: “ইমান বেছি ভাল হোৱাৰ বাবে ধন্যবাদ।”
হাৰ্ট অফ ষ্টোন হৈছে নেটফ্লিক্সত মুক্তি পাব লগা এখন আমেৰিকান স্পাই থ্ৰীলাৰ । উল্লেখযোগ্য যে ৰণবীৰ কাপুৰৰ সৈতে তেওঁৰ প্ৰথম সন্তানৰ আশা কৰা আলিয়াৰ পেছাদাৰী ক্ষেত্ৰত কেইবাটাও নতুন প্ৰকল্প আছে। অৱশ্যে ‘হাৰ্ট অফ ষ্ট’ন’ তেওঁৰ প্ৰথম খন আন্তঃৰাষ্ট্ৰীয় চলচ্চিত্ৰ ৷ তেওঁ ছেপ্টেম্বৰত ৰণবীৰ, অমিতাভ বচ্চন, নাগাৰ্জুন আৰু মৌনী ৰয়ৰ সৈতে অয়ন মুখাৰ্জীৰ ব্ৰহ্মাস্ত্ৰতো অভিনয় কৰিব। বৰ্তমান তেওঁ তেওঁৰ প্ৰথম প্ৰযোজনা ডাৰ্লিংছৰ মুক্তিৰ বাবে সাজু হৈছে।
