মুক্ত বিশ্ববিদ্যালয় আৰু চাউদাম্পটন বিশ্ববিদ্যালয়ৰ গৱেষকসকলৰ এটা দলে বিশ্বব্ৰহ্মাণ্ডৰ কিছুমান ৰহস্যময় কৃষ্ণগহ্বৰ বিচাৰি উলিওৱাৰ ক্ষেত্ৰত ৰাইজৰ সহায় বিচাৰিছে। ইউ.কে.ৰ এক আগশাৰীৰ অতিৰিক্ত সৌৰ গ্ৰহ চিনাক্তকৰণ কাৰ্যসূচী, ‘চুপাৰৱাস্প’ৰ তথ্য অনুসৰি, গৱেষণা দলে জনসাধাৰণৰ সহযোগত ষ্টাৰলাইটৰ পৰিৱৰ্তন চিনাক্ত কৰিব বুলি আশা কৰে যি ইতিমধ্যে “লুকাই থকা কৃষ্ণগহ্বৰ”ৰ অস্তিত্ব প্ৰমাণ কৰিছে।
এই কৃষ্ণগহ্বৰ সমূহৰ ইমান শক্তিশালী মাধ্যাকৰ্ষণক্ষেত্ৰ আছে যে সেইবোৰৰ পৰা পোহৰো ওলাই যাব নোৱাৰে। সেয়েহে এইবোৰ চিনাক্ত কৰাটো গৱেষকসকলৰ বাবে কঠিন হৈ পৰিছে। কিন্তু কেতিয়াবা, এই কৃষ্ণগহ্বৰবোৰৰ চাৰিওফালে গেছ আৰু ধুলিৰ দৰে সামগ্ৰী থাকে। যেতিয়া এই গেছ বা ধুলিসমূহ দ্ৰুতগতিত কৃষ্ণগহ্বৰলৈ টানি অনা হয়, ই গৰম হৈ উঠে আৰু শক্তিশালী এক্স-ৰে নিৰ্গত কৰে, যাৰ ফলত এই কৃষ্ণগহ্বৰ সমূহ চিনাক্ত কৰিব পাৰি।
গৱেষকৰ দলটোৱে লুকাই থকা কৃষ্ণগহ্বৰবোৰ চিনাক্ত কৰিবলৈ চেষ্টা অব্যাহত ৰাখিছে । এটা কৃষ্ণগহ্বৰৰ মাধ্যাকৰ্ষণ শক্তি ইমানেই শক্তিশালী যে ই তৰাবোৰৰ পৰা নিৰ্গত হোৱা পোহৰ বেঁকা কৰিব পাৰে আৰু ই কম সময়ৰ বাবে মেগনিফাইং গ্লাচৰ দৰে কাম কৰে যাৰ বাবে তৰাটো অধিক উজ্জ্বল দেখা যায়।
গৱেষকসকলে ইতিমধ্যে দহ বছৰতকৈও অধিক সময় লোৱা ‘চুপাৰৱাস্প জৰীপ’ৰ পৰা দহটাতকৈও অধিক জোখৰ আৰ্কাইভ নীৰিক্ষণ কৰিছে ৷ তেওঁলোকে এনে যিকোনো তৰা বিচাৰি আছে যি কৃষ্ণগহ্বৰৰ দ্বাৰা বিকশিত হৈছে। এই ক্ষেত্ৰত তেওঁলোকে ৰাইজৰ সহায় বিচাৰিছে কিয়নো তাত বহুতো তৰা আছে যিবোৰক এতিয়াও বিশ্বাসযোগ্যভাৱে কম্পিউটাৰে চিনাক্ত কৰিবলৈ সক্ষম নহয়।
