ভাৰতৰ পৰা দেখা নাযাব আগন্তুক সূৰ্যগ্ৰহণ। অৱশ্যে ভাৰতৰ সৌৰ অনুসন্ধান আদিত্য-এল১ য়ে মহাকাশৰ পৰা সূৰ্যগ্ৰহণৰ প্ৰতিটো মুহূৰ্ত বন্দী কৰিব। গ্ৰহণৰ সময়ত সূৰ্য্যৰ ৰূপ আৱদ্ধ কৰিব আদিত্য-এল১ য়ে ৷
৮ এপ্ৰিলত হ’ব সম্পূৰ্ণ সূৰ্যগ্ৰহণ। উত্তৰ আমেৰিকাৰ এক বিস্তৃত অঞ্চলৰ পৰা ইয়াক দেখা যাব ৷এইটো বছৰৰ প্ৰথমটো সম্পূৰ্ণ সূৰ্যগ্ৰহণ। এই গ্ৰহণৰ বৈশিষ্ট্যও আছে। ৮ এপ্ৰিলত যোৱা ৫০ বছৰৰ ভিতৰত সৰ্বাধিক দীঘলীয়া সম্পূৰ্ণ সূৰ্যগ্ৰহণ হ’বলৈ গৈ আছে। সেইদিনা একেৰাহে চাৰি মিনিট চন্দ্ৰৰ ছাঁই আৱৰি ৰাখিব সূৰ্য্য। সেই সময়ত সূৰ্য্যৰ ডিস্ক সদৃশ অংশটো দেখা নাযায়। পৃথিৱীৰ মানুহে কেৱল বাহিৰৰ আঙঠিৰ দৰে অংশটোহে দেখিব।
আদিত্য-এল১-এ মহাকাশৰ লগতে পৃথিৱীৰ পৰাও গ্ৰহণ কৰা সূৰ্য পৰ্যবেক্ষণ কৰিব। বৰ্তমান মহাকাশযানখন পৃথিৱী আৰু সূৰ্য্যৰ মাজৰ লেৰেঞ্জ বিন্দু বা এল ১ বিন্দুত আছে। পৃথিৱীৰ পৰা ইয়াৰ দূৰত্ব ১৫ লাখ কিলোমিটাৰ। আদিত্য-এল১ত ছটা যন্ত্ৰ আছে। ইয়াৰে দুটা যন্ত্ৰ সূৰ্যগ্ৰহণৰ সময়ত বিঘ্নিত হ’ব বুলি সংশ্লিষ্ট বিজ্ঞানীসকলে জানিবলৈ দিয়ে। সেইবোৰ হ’ল— দৃশ্যমান নিৰ্গমন লাইন ক’ৰ’নাগ্ৰাফ (VELC) আৰু সৌৰ আল্ট্ৰাভায়োলেট ইমেজিং টেলিস্কোপ (SUIT)।
২ ছেপ্টেম্বৰত অন্ধ্ৰ প্ৰদেশৰ শ্ৰীহৰিকোটাৰ সতীশ ধৱন মহাকাশ গৱেষণা কেন্দ্ৰৰ পৰা ভাৰতৰ প্ৰথমখন সৌৰ যান আদিত্য-এল১ সূৰ্য্যৰ ফালে উৰা মাৰিছিল। চাৰি মাহৰ পাছত মহাকাশযানখনে সূৰ্য্যৰ আটাইতকৈ ওচৰৰ নিৰ্দিষ্ট এল-১ বিন্দুত উপনীত হয়। সূৰ্য্যৰ নিৰন্তৰ পৰ্যবেক্ষণ আৰু গৱেষণা চলি আছে। বিজ্ঞানীসকলে বিশেষভাৱে সূৰ্যগ্ৰহণৰ সময়ত আদিত্যৰ পৰ্যবেক্ষণৰ ওপৰত চকু ৰাখিছে।
