মহানগৰৰ ভৰলুমুখ অঞ্চলত এজন যুৱকে হায়দৰাবাদৰ এজনী ছোৱালীক ধৰ্ষণ কৰাৰ অভিযোগ উত্থাপিত হৈছে ৷ জানিব পৰা মতে ছোৱালীজনীক ধৰ্ষণ কৰাৰ পিছত হত্যাৰ চেষ্টা কৰিছিল অভিযুক্তই ৷ অৱশ্যে নিজৰ জীৱন ৰক্ষা কৰি অৱশেষত ছোৱালীজনী পলাই যাবলৈ সক্ষম হয়।
অসমৰ মাটিত আহি এই অপকৰ্ম সংঘটিত কৰিলে হাৰিয়ানাৰ বাসিন্দা বুলি কোৱা সুধীৰ চৌধুৰী নামৰ যুৱকজনে ৷ উক্ত ঘটনা সন্দৰ্ভত যুৱকজনৰ বিৰুদ্ধে ইতিমধ্যে দাখিল কৰা হৈছে অভিযোগ । অৱশ্যে বৰ্তমান পলাতক হৈ আছে হাৰিয়ানাৰ যুৱক সুধীৰ চৌধুৰী ।
গুৱাহাটী মহানগৰীৰ ভৰলুমুখ অঞ্চলত হায়দৰাবাদৰ ছোৱালী জনীক ধৰ্ষণ কৰি হত্যাৰ চেষ্টা চলোৱাৰ অভিযোগত অভিযুক্ত সুধীৰৰ সন্ধানত আছে বৰ্তমান আৰক্ষী ৷ অভিযুক্তক কৰায়ত্ব কৰিব পৰা নাই যদিও আৰক্ষীয়ে ইতিমধ্যে জব্দ কৰিবলৈ সক্ষম হৈছে উক্ত ঘটনা সংঘটিত কৰা হাৰিয়ানাৰ যুৱকজনৰ বাহনখন ।
