শেহতীয়া অধ্যয়ন অনুসৰি আজি পৃথিৱীৰ ৮.৪ নিযুত কিলোমিটাৰ ওচৰলৈ আহিব গ্ৰহাণু ২০২২ কিউভি ৷ আনহাতে অদূৰ ভৱিষ্যতে মুঠ পাঁচটা গ্ৰহাণু পৃথিৱীৰ ওচৰলৈ আহিব বুলি প্ৰকাশ কৰিছে বিজ্ঞানীসকলে। আনহাতে তেওঁলোকে জানিবলৈ দিছে যে এই গ্ৰহাণুটোৰ উপৰিও, আজি আৰু কাইলৈ আৰু চাৰিটা মহাকাশীয় শিলাখণ্ড পৃথিৱীৰ ওচৰলৈ আহিব আৰু দুদিন পৃথিৱীৰ ওচৰত থাকিব ।
আগষ্টৰ ১৯ তাৰিখে তুলনামূলকভাৱে শেহতীয়াকৈ আৱিষ্কৃত এই শিলাখণ্ডই অৱশ্যে পৃথিৱীৰ বাবে কোনো ভাবুকিৰ সৃষ্টি নকৰে। উল্লেখযোগ্য যে ২০২২ কিউভি আজি আমাৰ গ্ৰহটোৰ কাষেৰে ৭৯২০০ কিলোমিটাৰ প্ৰতি ঘণ্টা (২২ কিলোমিটাৰ) বেগত পাৰ হ’ব। অৱশ্যে, এই গতিবেগেৰেই এনইঅ’ ২০২২ কিউভি আগষ্ট ২০৩০-ত পুনৰ পৃথিৱীলৈ ঘূৰি আহিব ।
জানিব পৰা মতে এনইঅ’ ২০২২ কিউভি দুখন টেনিছ কোৰ্টৰ আকাৰৰ । ইয়াৰ আকাৰ ১৮ ৰ পৰা ৪০ মিটাৰৰ ভিতৰত হ’ব বুলি অনুমান কৰা হৈছে।
ইফালে আন এটা মহাকাশীয় শিলাখণ্ড এনইঅ’ ২০২২ কিউএমে আজি যথেষ্ট লেহেমীয়া গতিৰে ৭.১৯ নিযুত কিলোমিটাৰ দূৰত্বত ১৮০০০ কিলোমিটাৰ প্ৰতি ঘণ্টা বেগত পৃথিৱীৰ ওপৰেৰে পাৰ হ’ব । ই এটা ঘৰৰ আকাৰৰ মহাকাশীয় শিলাখণ্ড। ই ২৬ আগষ্ট, ২০৭৬ তাৰিখে পুনৰ পৃথিৱীৰ ১০.৮৭ নিযুত কিলোমিটাৰ পৰিসৰৰ ভিতৰলৈ আহিব।
কিউএইচ৩ আগষ্ট ২০১৫ ত আৱিষ্কাৰ কৰা হৈছিল আৰু ই এপোলো গোটৰ সদস্য। ইয়াৰ দৈৰ্ঘ্য ১১ ৰ পৰা ২৪ মিটাৰ আৰু তুলনামূলকভাৱে মজলীয়া গতিবেগেৰে ২৫,২০০ কিমি প্ৰতি ঘণ্টা (প্ৰতি ছেকেণ্ডত ৭ কিলোমিটাৰ) বেগেৰে আজি এই গ্ৰহাণু ২,১৫০,০০০ কিলোমিটাৰ দূৰত্বৰে আমাৰ কাষেৰে পাৰ হ’ব। কাইলৈ কিউএক্স নামেৰে জনাজাত আন এটা মহাকাশীয় শিল আমাৰ গ্ৰহৰ ওপৰেৰে পাৰ হ’ব। ই প্ৰায় ২,৮১০,০০০ কিলোমিটাৰ দূৰত্বত কিউএক্সক পৃথিৱীৰ কাষেৰে পাৰ হ’ব ।
বাতৰি অনুসৰি আজি ৫.৩৯ নিযুত কিলোমিটাৰ দূৰত্ব আৰু ১৮ কিলোমিটাৰ প্ৰতি ছেকেণ্ড বেগত, বিমান আকাৰৰ গ্ৰহাণু ২০২২ কিউডব্লিউ ৩ পৃথিৱীৰ কাষেৰে পাৰ হ’ব।
বৰ্তমান আটাইতকৈ ডাঙৰ মহাকাশীয় শিলবোৰৰ ভিতৰত এটা যাৰ আকাৰ ২২ ৰ পৰা ৪৯মিটাৰ ভিতৰত বুলি ধাৰণা কৰা হয় এই গ্ৰহাণুটো ৫.৩৯ নিযুত কিলোমিটাৰ দূৰত্বত আৰু ৬৫,৮০০ কিলোমিটাৰ বেগত, আজি আমাৰ কাষেৰে পাৰ হ’ব। অৱশ্যে, ই অতি সোনকালে অৰ্থাৎ আগষ্ট ২০২৪-ৰ আশে পাশে আকৌ ঘূৰি আহিব । ২৩ আগষ্ট, ২০২৪ তাৰিখে, ১০.৭১ নিযুত কিলোমিটাৰ দূৰত্বত, ই পুনৰ পৃথিৱীৰ ওচৰলৈ প্ৰত্যাৱৰ্তন কৰিব।
