৫৬ বছৰত ভৰি থলে বলিউডৰ খিলাড়ী অক্ষয় কুমাৰে , তেওঁৰ মুক্তি পাবলগীয়া ৫ খন চিনেমাৰ বিষয়ে জানো আহক
বলীউডৰ জনপ্ৰিয় অভিনেতা তথা হিন্দী ছবিজগতৰ খিলাড়ী হিচাপে জনাজাত অক্ষয় কুমাৰৰ আজি জন্মদিন ৷ জনপ্ৰিয় তাৰকা গৰাকীয়ে আজি সম্পূর্ণ কৰিলে ৫৫ বছৰ ৷ ১৯৯১ চনত সৌগন্ধ ছবিৰে বলীউডত আত্মপ্ৰকাশ কৰা অভিনেতাগৰাকীয়ে ৩১ বছৰীয়া কেৰিয়াৰত কেইবাখনো জনপ্ৰিয় ছবি উপহাৰ দিছে ৷ নিজৰ শক্তিশালী কৰ্মদক্ষতা আৰু অনুশাসনৰ বাবে বিখ্যাত অক্ষয়ে ৷ তেওঁৰ জন্মদিনত আমি অভিনেতাজনৰ আগন্তুক সময়ত মুক্তি পাবলগীয়া ৫ খন ছবি ছবিৰ বিষয়ে জানো আহকচোন ৷
অ’ মাই গড- ২
২০১২ চনত মুক্তি পোৱাৰ সময়ত পৰেশ ৰাৱাল আৰু অক্ষয় কুমাৰৰ অ’ মাই গড নামৰ ছবিখনে যথেষ্ট সফলতা লাভ কৰিছিল ৷ অমিত ৰায় পৰিচালিত এই ছবিখনত ছিকুৱেলত অভিনয় কৰিছে অক্ষয় কুমাৰ, য়ামি গৌতম, পংকজ ত্ৰিপাঠী আৰু অৰুণ গোভিলে। যোৱা বছৰৰ পৰা আৰম্ভ হৈছিল ছবিখনৰ শ্বুটিং, আৰু চলিত বৰ্ষৰ অক্টোবৰ মাহত ছবিখন মুক্তি পাব বুলি চর্চা চলিছে ৷
গোৰ্খা
অক্ষয় কুমাৰে সদায় সামৰিক বাহিনীৰ জীৱনক ডাঙৰ পৰ্দাত চিত্ৰিত কৰা ভূমিকা গ্ৰহণ কৰিবলৈ আগ্ৰহী আৰু গোৰ্খাও ইয়াৰ ব্যতিক্ৰম নহয়। ভাৰতীয় সেনাৰ গোৰ্খা ৰেজিমেণ্টৰ কিংবদন্তি বিষয়া মেজৰ জেনেৰেল ইয়ান কাৰ্ডোজোৰ চৰিত্ৰত অভিনয় কৰা দেখা যাব অক্ষয়। ২০২১ চনৰ অক্টোবৰ মাহত অক্ষয় কুমাৰে ছবিখনৰ কথা ঘোষণা কৰিছিল ৷
বড়ে মিয়ান চোতে মিয়া
এই প্ৰকল্পত ভাৰতৰ দুগৰাকী বৃহৎ একচন ষ্টাৰ- অক্ষয় কুমাৰ আৰু টাইগাৰ শ্ৰুফক একেলগে দেখা যাব ৷ ২০২৩ চনৰ জানুৱাৰী মাহত ছবিখন মুক্তি পোৱাৰ সম্ভাৱনা আছে ৷পৰিচালক আলী আব্বাছ জাফাৰে স্কটলেণ্ড, অষ্ট্ৰিয়াৰ আল্পছ, চৌদি আৰব আৰু লণ্ডনত ছবিখনৰ শ্বুটিং কৰিবলৈ বিচাৰিছে।
চেলফি
অক্ষয় কুমাৰ আৰু ইমৰান হাছমী অভিনীত এই ছবিখন হৈছে মালয়ালম ছবি ড্ৰাইভিং লাইচেন্সৰ হিন্দী ৰিমেক। ৰাজ মেহতাৰ পৰিচালনাত নিৰ্মিত এই ছবিখনত অভিনেতা দুজনক প্ৰথমবাৰৰ বাবে একেলগে দেখা যাব ৷ ২০২৩ চনৰ ২৪ ফেব্ৰুৱাৰীত ছবিগৃহত মুক্তি পাব ছবিখনে ৷
ৰাম সেতু
অভিষেক শৰ্মাৰ পৰিচালনাত নিৰ্মিত এই ছবিখনত অক্ষয় কুমাৰে এজন পুৰাতত্ত্ববিদৰ চৰিত্ৰত অভিনয় কৰিব ৷ ছবিখনত জেকলিন ফাৰ্নাণ্ডেজ আৰু নুশ্ৰাট ভাৰুচ্চাও অভিনয় কৰিছে ৷ ২৪ অক্টোবৰত ছবিগৃহত মুক্তি পোৱাৰ সম্ভাৱনা আছে।
ইমানেই নহয়! অক্ষয় কুমাৰক খেল খেল মেইন, কেপচুল গিল, আৰু ছুৰিয়া অভিনীত ছুৰাৰাই পট্ৰুৰ হিন্দী ৰিমেকতো দেখা যাব।
