জনপ্ৰিয় তামিল অভিনেত্ৰী প’লিন জেচিকাক ১৮ ছেপ্টেম্বৰত চেন্নাইৰ ভিৰুগম্বকম মল্লিকা এভিনিউৰ ফ্লেটত মৃত অৱস্থাত উদ্ধাৰ কৰা হৈছে ।তেওঁ অন্ধ্ৰ প্ৰদেশৰ বাসিন্দা আছিল। সদ্য মুক্তিপ্ৰাপ্ত তামিল ছবি ‘বৈধা’ত মুখ্য চৰিত্ৰত অভিনয় কৰিছিল দীপা নামেৰে জনপ্ৰিয় প’লিন জেচিকাই। ইয়াৰ উপৰিও বিভিন্ন তামিল চিনেমা আৰু ছিৰিয়েলত তেওঁ কাম কৰিছিল। দেওবাৰে নিজৰ এপাৰ্টমেণ্টত ওলমি থকা অৱস্থাত উদ্ধাৰ হৈছিল জনপ্ৰিয় অভিনেত্ৰীগৰাকী।ইয়াৰ পূৰ্বে কয়াম্বেডু আৰক্ষীয়ে অভিনেত্ৰীগৰাকীৰ মৃত্যু সন্দৰ্ভত ওচৰ-চুবুৰীয়াৰ পৰা তথ্য লাভ কৰিছিল। পিছত = আৰক্ষীয়ে সেই স্থানত উপস্থিত হৈ মৃতদেহটো মৰণোত্তৰ পৰীক্ষাৰ বাবে কিলপৌক চৰকাৰী চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰে। লগতে অভিনেত্ৰীগৰাকীৰ আত্মীয়ক খবৰ দিয়া হয় ৷ পৰৱর্তী সময়ত তেওঁৰ মৃতদেহ অন্ধ্ৰপ্ৰদেশৰ ঘৰলৈ প্ৰেৰণ কৰা হয়।
আৰক্ষীয়ে জনপ্ৰিয় অভিনেত্ৰী গৰাকীৰ আত্মহত্যাৰ ঘটনাৰ তদন্ত াব্যাহত ৰাখিছে ৷ ইতিমধ্যে চিচিটিভিৰ ফুটেজ সৎগ্ৰহ কৰিছে আৰক্ষীয়ে ৷ আৰক্ষীয়ে প’লিনৰ বাসগৃহলৈ অহা লোকসকলৰ তথ্য সংগ্ৰহ কৰিছে ৷ আত্মহত্যা কৰাৰ আগদিনা অভিনেত্ৰীগৰাকীয়ে এখন অটোৰে নিজৰ এপাৰ্টমেণ্টত উপস্থিত হৈছিল। আৰক্ষীৰ তথ্য অনুসৰি এখন চুইচাইড নোট উদ্ধাৰ কৰিছে ৷ য’ত তেওঁ প্ৰেমৰ সম্পর্ক ভংগ হোৱাৰ বাবে আত্মহত্যা কৰা বুলি উল্লেখ কৰিছে ৷
