বৰ্তমান সময়ত অসমৰ এটা অতি জনপ্ৰিয় চেনেল ৰঙত সম্প্ৰচাৰিত হৈ আছে এখন নতুন ধাৰাবাহিক ৷ ধাৰাবাহিক খনৰ নাম ‘’অপৰাজিতা’’ ৷ ধাৰাবাহিক খনত নাম ভুমিকাত অভিনয় কৰিছে বৰ্তমান সময়ৰ অসমৰ অভিনয় জগতৰ এগৰাকী বলিষ্ঠ অভিনেত্ৰী আশা বৰদলৈয়ে ৷ আনহাতে মেগা ধাৰাবাহিক খনত অভিনয় কৰিছে জনপ্ৰিয় অভিনেতা নয়ণ নিৰ্বানৰ লগতে পল ফুকন, ৰূপম বৰুৱা, পদ্মৰাগ গোস্বামী আদিৰ ওপৰিও বহু ন-পুৰণি অভিনয় শিল্পীয়ে ।
ধাৰাবাহিক খনৰ আকৰ্ষণীয় শীৰ্ষ গীতৰ লগতে আশা বৰদলৈ তথা অন্যান্য অভিনেতা সকলৰ শক্তিশালী অভিনয়ে আপ্লুত কৰিছে অসমৰ দৰ্শকক ৷ ধাৰাবাহিক খনৰ সৈতে জড়িত হৈ থকা সকলো শিল্পী তথা কলা-কুশলীৰ কষ্টৰ কথা অনুধাৱন কৰি সকলোৰে সহযোগিতাৰ বাবে কৃতজ্ঞতা জ্ঞাপন কৰিছে ‘অপৰাজিতা’ৰ পৰিচালক অভিজ্ঞানে ৷ লগতে তেওঁ আশা কৰিছে যে অসমবাসীয়ে ধাৰাবাহিকখন আন্তৰিকতাৰে আদৰি ল’ব।
উল্লেখযোগ্য যে জনপ্ৰিয় চেনেল ৰঙত সোমবাৰৰ পৰা শণিবাৰলৈ প্ৰতিনিশা ৯.৩০বজাত সম্প্ৰচাৰিত হয় ‘অপৰাজিতা’ ৷
