আজি অসমলৈ আহিব কংগ্ৰেছৰ ৰাষ্ট্ৰীয় সভাপতি পদৰ প্ৰার্থী মল্লিকার্জুন খর্গে

কংগ্ৰেছৰ বহু প্ৰত্যাশিত ৰাষ্ট্ৰীয় সভাপতি নির্বাচনৰ প্ৰচাৰৰ বাবে আজি অসমলৈ আহিব  প্ৰবীন নেতা মল্লিকার্জুন খর্গে ৷ কার্যসুচী অনুসৰি আজি বিয়লি ৪.৩০ বজাত বিশেষ বিমানযোগে  তেওঁ গুৱাহাটীত উপস্থিত হ’ব ৷ বিমানবন্দৰৰ পৰা আহি তেওঁ ৫.৩০ বজাত গুৱাহাটীৰ ৰাজীৱ ভৱনত কংগ্ৰেছৰ প্ৰতিনিধিসকলৰ সৈতে মিলিত হ’ব ৷ ইয়াৰ পাছতে তেওঁ ৭ বজাত এখন সংবাদমেল সম্বোধন কৰিব ৷ উল্লেখ্য যে অহা ১৭ অক্টোবৰত কংগ্ৰেছৰ ৰাষ্ট্ৰীয় সভাপতিৰ নির্বাচন অনুষ্ঠিত হ’ব ৷ প্ৰায় তিনি দশকৰ পাছত প্ৰথমবাৰৰ বাবে গান্ধী পৰিয়ালৰ বাহিৰৰ দুজন নেতা এইবাৰ সভাপতি  পদৰ নির্বাচনত অৱতীর্ণ হৈছে ৷ গান্ধী পৰিয়ালৰ অত্যন্ত অনুগত হিচাপে মল্লিকার্জুন খর্গেই সভাপতি পদত প্ৰতিদ্বন্দিতা কৰিছে ৷ আনহাতে. খর্গেক প্ৰত্যাহ্বান জনাইছে কংগ্ৰেছৰ জি-২৩ গোটৰ অন্যতম সদস্য প্ৰবীন নেতা শশী থাৰুৰে ৷ অহা ১৪ অক্টোবৰত অসমলৈ শশী থাৰুৰ প্ৰচাৰ চলাবলৈ অহাৰ সম্ভাৱনা আছে ৷