সদ্য ঘোষিত এচিএছ পৰীক্ষাৰ ফলাফলক লৈ উৎফুল্লিত কৃষ্ণাইৰ ষ্টেপচ একাডেমি

সদ্য ঘোষিত এচিএছ পৰীক্ষাৰ ফলাফলক কেন্দ্ৰ কৰি আনন্দৰ ঢৌ উঠিছে গোৱালপাৰা জিলাৰ কৃষ্ণাইৰ ব্যক্তিগত খণ্ডৰ শিক্ষানুষ্ঠান ষ্টেপচ একাডেমিত ৷ কাৰণ শিক্ষানুষ্ঠান খনৰ ৰাজনীতি বিজ্ঞানৰ বিষয় শিক্ষক কপিল দাসে উত্তীৰ্ণ হৈছে এচিএছ পৰীক্ষাত ৷ গোৱালপাৰা পাহাৰতলীৰ বাসিন্দা কপিল দাসৰ উত্তীৰ্ণৰ বাৰ্তা পোৱাৰ পিছতে শিক্ষানুষ্ঠানখনত আনন্দৰ লহৰ উঠে ৷ আজি কপিল দাসক সম্বৰ্ধনা জনাবলৈ ষ্টেপচ একাডেমিয়ে এক সম্বৰ্ধনা সভাৰ আয়োজন কৰে ৷ সম্বৰ্ধনা সভাত শিক্ষানুষ্ঠানখনৰ অধ্যক্ষ ভাস্বতী শৰ্মাই এখন ফুলাম গামোচাৰে কপিল দাসক সম্বৰ্ধনা জনায় ৷