শেহতীয়াকৈ নেটফ্লিক্সে বিশ্বজুৰি থকা ইয়াৰ ভাৰতীয় দর্শকসকলৰ বাবে লৈ আহিছে সুখবৰ ৷ শীঘ্ৰে নেটফ্লিক্সত মুকলি হ’ব কেইবাটাও ছিৰিজ আৰু চিনেমা ৷ শেহতীয়াকৈ নেটফ্লিক্সে দর্শকৰ বাবে ছিৰিজ ঘোষণা কৰিছিল ৷ সেই অনুসৰি শীঘ্ৰে মুক্তি লাভ কৰিব মনিকা, অ’ মাই ডাৰ্লিং নামৰ ছিৰিজ ৷ অহা ২৫ নৱেম্বৰত এই ছিৰিজে মুক্তি লাভ কৰিব ৷ ৰাজকুমাৰ ৰাও, হুমা কুৰেশ্বী, ৰাধিকা আপ্টেৰ দৰে তাৰকাই অভিনয় কৰা ছিৰিজটো এটা থ্ৰিলাৰ কাহিনীৰ ওপৰত নির্মিত ৷
তদুপৰি নেটফ্লিক্সত মুকলি হ’ব কেট (CAT) শীৰ্ষক নতুন ছিৰিজ ৷ এই ধাৰাবাহিকখনত মূল চৰিত্ৰত অভিনয় কৰিছে প্ৰতিভাৱান অভিনেতা ৰনদীপ হুডাই। ৰনদীপক গুৰনাম নামৰ এজন চোৰাংচোৱা এজেণ্ট হিচাপে দেখা যাব ৷
মুভি টানেল প্ৰডাকচন আৰু জেলী বিন এণ্টাৰটেইনমেণ্টৰ সমৰ্থিত এই ছিৰিজখন পৰিচালনা কৰিছে বলৱিন্দৰ সিং জাঞ্জুৱা, ৰূপিন্দৰ চাহাল, আৰু জিমি সিঙে। ইতিমধ্যে মুক্তি পোৱা টিজাৰটো নিখুঁত একচন আৰু থ্ৰিল দেখা গৈছিল ৷ ৯ ডিচেম্বৰৰ পৰা দর্শকৰ বাবে ছিৰিজটো নেটফ্লিক্সে মুক্তি দিব ৷
