অহা ১৭ আৰু ১৮জানুৱাৰীত আমগুৰি সমষ্টিৰ সমন্বয় বাকৰি নপামত প্ৰথম বাৰৰ বাবে অনুষ্ঠিত কৰা হ’ব টিফুক মহোৎসৱ ৷ উল্লেখযোগ্যয যে নগা পাহাৰৰপৰা বৈ অহা টিফুক নদীৰ পাৰত পোন প্ৰথমবাৰৰ বাবে অনুষ্ঠিত কৰিবলৈ লোৱা এই টিফুক মহোৎসৱৰ এতিয়া পূৰ্ণ প্ৰস্তুতি চলিছে অঞ্চলটোত ।
আমগুৰি সমষ্টিৰ হাফলুটিং নপাম সন্মিলিত যুৱ সমাজৰ উদ্যোগত আৰু সমূহ নপাম গাঁৱবাসীৰ সহযোগত ১৭ আৰু ১৮ জানুৱাৰী ২০২৩ ত দুদিনীয়াকৈ উদযাপন কৰা হ’ব সপ্তদশ সংখ্যক শিল্পী দিৱস আৰু প্ৰথম টিফুক মহোৎসৱ ৷ সেয়েহে নপাম সন্মিলিত যুৱ সমাজ আৰু গাঁওবাসীয়ে মহোৎসৱত সকলো ৰাইজৰ উপস্থিতি আন্তৰিকতাৰে কামনা কৰিছে ।
