২০২১ চনৰ আগতে তেওঁ মূলতঃ দক্ষিণৰ তাৰকা হিচাপে পৰিচিত আছিল। ২০২১ চনৰ অক্টোবৰৰ পিছত তেওঁৰ প্ৰতিচ্ছবি সলনি হয়। দক্ষিণৰ ছবি ‘পুষ্পা: দ্য ৰাইজ’ ছবিগৃহত মুক্তিৰ লগে লগে পৰিচয় সলনি হৈ পৰে মুখ্য চৰিত্ৰত অভিনয় কৰা আল্লু অৰ্জুন। এই ছবিখনৰ জৰিয়তে আল্লুৱে সমগ্ৰ ভাৰতৰ স্বীকৃতি লাভ কৰিছিল। দক্ষিণৰ পৰিচালক সুকুমাৰৰ ছবিখনে মুক্তিৰ লগে লগে সমালোচকৰ মিশ্ৰিত সমালোচনাৰ পিছতো বক্স অফিচত ধুমুহাৰ সৃষ্টি কৰিছিল ৷এই ছবিখনে দেশৰ বক্স অফিচত তিনিশ পঞ্চাশ কোটিতকৈও অধিক টকা উপাৰ্জন কৰিছিল। ৰাতিটোৰ ভিতৰতে ৰাষ্ট্ৰীয় পৰ্যায়ৰ অন্যতম জনপ্ৰিয় তাৰকা হৈ পৰিল আল্লু অৰ্জুন। ‘পুষ্পা: দ্য ৰাইজ’ৰ সফলতাৰ পিছত পৰিচালক সুকুমাৰে নিৰ্মাণ কৰি আছে ছবিখনৰ দ্বিতীয় খণ্ড ‘পুষ্পা: দ্য ৰুল’ । সেই ছবিখনৰ সৈতে দৰ্শক আৰু অনুৰাগীৰ উৎসাহো বৃদ্ধি পাইছে । ছবিখনৰ টিজাৰ মুক্তিৰ সন্দৰ্ভতো জল্পনা-কল্পনাৰ সৃষ্টি হৈছে। কিছুদিন পূৰ্বে গম পোৱা গৈছিল যে এপ্ৰিল মাহত মুক্তি পাব ‘পুষ্পা: দ্য ৰুল’ৰ টিজাৰ। এপ্ৰিল মাহত মুক্তি পাব তিনি মিনিটৰ টিজাৰ।
যোৱা বছৰৰ শেষৰ পৰা আৰম্ভ হৈছে ছিকুৱেলৰ কাম। আল্লু অৰ্জুনক নিজেই বিশাখাপট্টনমত শ্বুটিংৰ বাবে দেখা গৈছিল। ৮ এপ্ৰিলত আল্লু অৰ্জুনৰ জন্মদিন। ছবিখনৰ নিৰ্মাতাসকলে তাৰকাগৰাকীৰ জন্মদিনত ‘পুষ্পা: দ্য ৰুল’ৰ প্ৰথম আভাস মুকলি কৰাৰ পৰিকল্পনা কৰিছে। অৱশ্যে কেইছেকেণ্ডমানৰ প্ৰচাৰৰ পৰিৱৰ্তে তিনি মিনিটৰ দীঘলীয়া টিজাৰ মুকলি কৰাৰ পৰিকল্পনা কৰিছে নিৰ্মাতাসকলে। এই বাতৰি পোহৰলৈ অহাৰ লগে লগে অনুৰাগীৰ মাজত উত্তেজনা বৃদ্ধি পালে।
‘পুষ্পা: দ্য ৰাইজ’ ছবিখনে বক্স অফিচত নজিৰ গঢ়ি তুলিছিল। ফ্ৰেঞ্চাইজিৰ দ্বিতীয়খন ছবি ‘পুষ্পা: দ্য ৰুল’ক বৃহৎ পৰিসৰত নিৰ্মাণ কৰিব বিচাৰিছে নিৰ্মাতাসকলে। শুনা যায় যে এই ছবিখনৰ চিত্ৰনাট্য ৰচনা কৰা হৈছে পুষ্পা আৰু ভনৱৰ সিঙৰ চৰিত্ৰৰ সংঘাতৰ আধাৰত। ইতিমধ্যে বিশাখাপট্টনমৰ পিছত হায়দৰাবাদত শ্বুটিং সমাপ্ত কৰিছে । আল্লু অৰ্জুনৰ লগতে ফাহাধ ফাচিলেও ছবিখনত অভিনয় আহিছে। কিন্তু ৰশ্মিকা মান্দানাৰ চৰিত্ৰক লৈ এতিয়াও স্পষ্ট হোৱা নাই ৷ আনহাতে ‘আৰ আৰ আৰ’ৰ অভিনেতা ৰাম চৰণক ‘পুষ্পা: দ্য ৰুল’ত বিশেষ চৰিত্ৰত দেখা পোৱা যায়। অৱশ্যে ছবিখনৰ নিৰ্মাতাসকলে এতিয়াও এই সন্দৰ্ভত একো ঘোষণা কৰা নাই।
