দক্ষিণৰ চলচ্চিত্ৰ জগতৰ অন্যতম জনপ্ৰিয় তাৰকা আল্লু অর্জুন। ‘পুষ্পা: দ্য ৰাইজ’ ছবিখন মুক্তি পোৱাৰ পিছত তেওঁৰ সৰ্বভাৰতীয় পৰ্যায়ত জনপ্ৰিয়তা লাভ কৰিছে । জনপ্ৰিয়তাৰ ক্ষেত্ৰত দক্ষিণৰ তাৰকা আল্লু অৰ্জুনৰ নাম এতিয়া প্ৰথম শাৰীত। তেওঁৰ সৈতে কাম কৰিবলৈ পৰিচালকসকল আগ্ৰহী। সেই তালিকাত দক্ষিণ তাৰকা পৰিচালক এটলীৰ নামো আছে। পৰিচালক এটলীয়ে নিজেই শ্বাহৰুখ খানৰ ‘জৱান’ত বিশেষ চৰিত্ৰত কাম কৰিবলৈ আল্লু অৰ্জুনলৈ প্ৰস্তাৱ প্ৰেৰণ কৰিছিল। কিন্তু ‘পুষ্পা তাৰকা’ই ব্যস্ততাৰ বাবে এই প্ৰস্তাৱ নাকচ কৰিলে। অৱশ্যে আল্লু অৰ্জুনে শ্বাহৰুখৰ ছবিখনক একেবাৰে নাকচ কৰা নাই। ইতিমধ্যে দক্ষিণৰ তাৰকাগৰাকীয়ে ‘জোৱান’ ছবিৰ শ্বুটিং কৰিছে।
দক্ষিণৰ পৰিচালক এটলীৰ ‘জোৱান’ ছবিৰে ভাৰতীয় চিনেমা জগতত ভৰি দিবলৈ ওলাইছে শ্বাহৰুখ খানে। হিন্দীৰ বাহিৰেও এই ছবিখন তামিল, তেলেগু, মালয়ালম আৰু কানাড়া ভাষাত মুক্তি পাবলৈ গৈ আছে। ছবিখনত শ্বাহৰুখে দ্বৈত চৰিত্ৰত অভিনয় কৰিছে । দক্ষিণৰ তাৰকা নয়নতৰা, প্ৰিয়মণি, বিজয় সেঠুপতি আৰু সন্যা মালহোত্ৰাই আন আন গুৰুত্বপূৰ্ণ চৰিত্ৰত অভিনয় কৰিছে। ইয়াৰ পূৰ্বে খবৰ ওলাইছিল যে সদ্য মুক্তি পোৱা ‘বাৰিছু’ৰ বিখ্যাত দক্ষিণ তাৰকা বিজয়ে ছবিখনত কেমিঅ’ চৰিত্ৰত অভিনয় কৰিব। ইয়াৰ পিছতে খবৰ আহিছিল যে আল্লু অৰ্জুনক ছবিখনত বিশেষ চৰিত্ৰৰ প্ৰস্তাৱ দিয়া হৈছে। অৱশ্যে ‘পুষ্পা: দ্য ৰুল’ৰ শ্বুটিঙত ব্যস্ত থকাৰ বাবেই তাৰকাগৰাকীয়ে ‘জোৱান’ক না ক’বলৈ বাধ্য হয়। এতিয়া শুনা গৈছে যে আল্লু অৰ্জুনে কেইমাহমান পূৰ্বে মুম্বাইত ‘জোৱান’ ছবিখনৰ চৰিত্ৰটোৰ শ্বুটিং সম্পূৰ্ণ কৰিছে।
আনহাতে, হায়দৰাবাদৰ বিশাখাপট্টনমৰ পাছত ‘পুষ্পা: দ্য ৰুল’ৰ শ্বুটিং চলি আছে ওড়িশাৰ মালকংগিৰি অৰণ্যত। ইতিমধ্যে মুক্তি লাভ কৰিছে আল্লু অৰ্জুনৰ ছবিখনৰ ‘ফাৰ্ষ্ট লুক’। অনুৰাগীসকলে আগ্ৰহেৰে অপেক্ষা কৰি আছে ‘পুষ্পা’ ফ্ৰেঞ্চাইজিৰ দ্বিতীয়খন ছবি মুক্তিৰ বাবে।
