যোৱা ডিচেম্বৰ মাহত মৃত্যু হৈছিল বিশ্ব বিশ্ৰুত ফুটবল তাৰকা পেলেৰ । বিভিন্ন অভিলেখেৰে তেওঁ সংবাদ শিৰোনাম দখল কৰি আহিছে ৷ কিন্তু এইবাৰ তেওঁৰ নামে অভিধানত স্থান পালে। ব্ৰাজিলৰ পৰ্তুগীজ অভিধান এখনত ‘পেলে’ শব্দটো অন্তৰ্ভুক্ত কৰা হৈছে। পেলে শব্দটোৰ অৰ্থ এইদৰে লিখা হৈছে, ‘যিজন ব্যতিক্ৰমী, অতুলনীয়, অনন্য’। এক কথাত ক’বলৈ গ’লে ‘শ্ৰেষ্ঠ’।
বুধবাৰে এই ঘোষণা কৰে মিচেলিছ অভিধানে। প্ৰায় ১ লাখ ২৫ হাজাৰ লোকে এই দাবীত স্বাক্ষৰ কৰাৰ পাছত গ্ৰহণ কৰা হয় ৷ অভিধান অনুসৰি পেলে শব্দটোৰ অৰ্থ হ’ল, “যিজন অসাধাৰণ, বা পেলেৰ দৰেই গুণগত মান, মূল্য আৰু উৎকৃষ্টতাৰ ক্ষেত্ৰত অতুলনীয়। উদাহৰণ: অমুক বাস্কেটবলৰ পেলে, অমুক টেনিছৰ পেলে, অমুক ব্ৰাজিলৰ থিয়েটাৰৰ পেলে ইত্যাদি।”
পেলে ফাউণ্ডেশ্যন আৰু ছান্টোছ এফ চিয়ে পেলেক দেশৰ অন্যতম শ্ৰেষ্ঠ অভিধানত স্থান দিয়াৰ বাবে অত্যন্ত সুখী। পেলেই জীৱনৰ বেছিভাগ সময় খেলিছে ছান্টোছে। পেলেৰ ছ’চিয়েল মিডিয়া একাউণ্টত লিখা আছে, “শ্ৰেষ্ঠক প্ৰতিনিধিত্ব কৰিবলৈ বাৰে বাৰে ব্যৱহাৰ কৰা নামটো এতিয়া অভিধানত আছে। আমি অভিধানত পেলেৰ নাম যোগ কৰি ইতিহাস ৰচনা কৰিলোঁ। পেলেৰ অৰ্থ হ’ল: ‘সকলোতকৈ শ্ৰেষ্ঠ’।”
