কেইবাবছৰ ধৰি গোপনে প্ৰেমৰ পিছত অৱশেষত ২০২১ চনত বিবাহপাশত আবদ্ধ হয় বলীউডৰ অভিনেতা বিকি কৌশল আৰু অভিনেত্ৰী কেটৰিনা কাইফ। ২০২১ চনৰ ৯ ডিচেম্বৰত ৰাজস্থানৰ ছাৱাই মাধোপুৰৰ ছিক্স চেন্স ফ’ৰ্ট বৰৱাৰাত তেওঁলোকে বিবাহপাশত আৱদ্ধ হয় ৷ বিয়াৰ আগতে ৰাজহুৱাভাৱে তেওঁলোকৰ সম্পৰ্কৰ বিষয়ে ভিকি বা কেটৰিনাই কেতিয়াও মুকলিকৈ কোৱা নাছিল। বলীউডৰ বেছিভাগ দম্পতীয়ে ছবি এখনৰ চেটত ইজনে সিজনৰ প্ৰেমত পৰে। সেই ক্ষেত্ৰত বিকি আৰু কেটৰিনা ব্যতিক্ৰম। দুয়োজনে এতিয়ালৈকে কোনো ছবিত একেলগে কাম কৰা দেখা পোৱা নাই। অনুৰাগীয়ে কেতিয়া তেওঁলোকক পৰ্দাত দম্পতী হিচাপে দেখিবলৈ পাব ? তেওঁলোকৰ কৌতুহলী প্ৰশ্নৰ উত্তৰ নিজেই দিলে বলীউডৰ অভিনেতাগৰাকীয়ে।
শেহতীয়াকৈ এজন সাংবাদিকে বিকি কৌশলক সুধিছিল, কেতিয়া তেওঁ আৰু কেটৰিনা কাইফক একেলগে দেখা যাব ছবিত? সাংবাদিকগৰাকীৰ প্ৰশ্নৰ পৰা আঁতৰি নাথাকিল অভিনেতাজনে। বৰঞ্চ তেওঁ কৈছিল, “মই অতি আশাবাদী যে সেই দিনটো সোনকালে আহিব।” আমি দুয়োজনে একেলগে কাম কৰিবলৈ ইচ্ছুক যদিহে আমি সঠিক প্ৰস্তাৱ পাওঁ।” বিকিৰ উৎসাহ দেখি দুই তাৰকাৰ অনুৰাগীসকলে আনন্দিত হৈছে। অনুৰাগীসকলে যে বাস্তৱ জীৱনৰ দম্পতীক পৰ্দাত চাবলৈ আগ্ৰহী, তাৰ প্ৰমাণ ছ’চিয়েল মিডিয়া পেজত তেওঁলোকৰ মন্তব্যত পোৱা যায়।
বিকি আৰু কেটৰিনাৰ প্ৰেম বলীউডৰ আন প্ৰেমকাহিনীৰ দৰে নহয়। কোনো ছবি বা ধাৰাবাহিকতে একেলগে কাম কৰা নাই দুয়োৱে । জয়া আখতাৰৰ পাৰ্টিত বিকি আৰু কেটৰিনাৰ সাক্ষাৎ হয় । কেইবছৰমানৰ প্ৰেমৰ অন্তত ২০২১ চনৰ ডিচেম্বৰ মাহত বিবাহপাশত আবদ্ধ হয় দুয়োৰে।
