বলীউডত আকৌ চলিছে বিয়াৰ বতাহ ৷ অৱশ্যে এইবাৰ বিবাহৰ পথত নতুন প্ৰজন্মৰ কোনো উদীয়মান তাৰকা নাই ৷ বিয়া হ’বলৈ ওলাইছে বলীউডৰ অন্যতম তাৰকা আমিৰ খান। বিবাহৰ ক্ষেত্ৰত অতি সোনকালে হেট্ৰিক কৰিবলৈ ওলাইছে বিখ্যাত তাৰকা গৰাকী। বলীউডৰ স্বঘোষিত চলচ্চিত্ৰ সমালোচক কমল আৰ খানে আমিৰৰ সৈতে এই খবৰ প্ৰকাশ কৰিছে ৷ শেহতীয়াকৈ তেওঁ ছ’চিয়েল মিডিয়াত দাবী কৰিছে যে আমিৰে বলীউডৰ অভিনেত্ৰী ফাতিমা ছানা শ্বেখৰ সৈতে বিবাহপাশত আবদ্ধ হ’বলৈ ওলাইছে।
বলীউডত ফাতিমা ছানা শ্বেখৰ অভিষেক ঘটিছিল আমিৰ খানৰ জৰিয়তে । ২০১৬ চনত ‘দংগল’ ছবিত অভিনেত্ৰী হিচাপে আত্মপ্ৰকাশ কৰিছিল ছানাই। আমিৰৰ সৈতে তেওঁৰ ঘনিষ্ঠতা প্ৰথমখন ছবিৰ পৰাই দেখা যায়। আমিৰ আৰু ফাতিমাৰ সম্পৰ্কক লৈ বলীউডৰ কেইবাটাও পাৰ্টিত চৰ্চিত হৈছে। অৱশ্যে আমিৰ বা ফাতিমা দুয়োজনেই কেতিয়াও ৰাজহুৱাভাৱে তেওঁলোকৰ সম্পৰ্কৰ বিষয়ে মুকলিকৈ কোৱা নাই। কিন্তু আমিৰৰ কন্যাৰ এংগেজমেণ্ট অনুষ্ঠানতো দেখা গৈছিল ফাতিমাক। এইবাৰ ছচিয়েল মিডিয়া পেজত কমল আৰু খানে আমিৰৰ সৈতে বিবাহৰ খবৰ ফাদিল কৰে। এটা টুইটত তেওঁ লিখিছে, “আমীৰ খানে নিজৰ কন্যাৰ বয়সৰ ফাতিমা ছানা শ্বেখক অতি সোনকালে বিয়া কৰাব ৷’দংগল’ৰ সময়ৰ পৰাই আমিৰে ফাতিমাৰ প্ৰেমত পৰিছিল।”
বিগত কেইবছৰমানৰ পৰা পেছাদাৰী ক্ষেত্ৰখনত কেইবাবাৰো উজুটি খাইছে বলীউডৰ তাৰকা আমিৰ খান। অৱশ্যে ব্যক্তিগত জীৱনৰ উত্থান-পতনৰ বিষয়ে তেওঁ বেছিকৈ বাতৰিৰ শিৰোনাম দখল কৰে। কিৰণ ৰাওৰ সৈতে ব্ৰেকআপ কৰাৰ পৰা আৰম্ভ কৰি ফাতিমাৰ প্ৰেমলৈকে আমিৰে কেইবাবাৰো শিৰোনাম দখল কৰিছে। কিছুদিন পূৰ্বে আমিৰক ফাতিমাৰ সৈতে দেখা গৈছিল। দুয়ো অজ্ঞাতে কেমেৰাত ধৰা পৰিছিল। তেতিয়াও আমিৰ আৰু ফাতিমাক ইজনে সিজনৰ লগত বহুত আৰামদায়ক যেন লাগিছিল। কিন্তু জল্পনা-কল্পনা সঁচা নেকি? মিষ্টাৰ পাৰ্ফেকচনিষ্টে ফাতিমাৰ লগত নতুনকৈ আৰম্ভ কৰিব নেকি জীৱন? অনুৰাগীসকলে ইয়াৰ উত্তৰৰ বাবে অপেক্ষা কৰি আছে।
