প্ৰধানমন্ত্ৰী নৰেন্দ্ৰ মোডী আৰু চীনৰ ৰাষ্ট্ৰপতি জি জিনপিঙে আগন্তুক তিনি সপ্তাহত একেখন মঞ্চত দুবাৰকৈ বৈঠকত মিলিত হ’ব ৷ প্ৰথমখন হ’ল দক্ষিণ আফ্ৰিকাত ২২ আগষ্টৰ পৰা আৰম্ভ হ’বলগীয়া ব্ৰিকছ সন্মিলন। দ্বিতীয়খন হৈছে ৯ ছেপ্টেম্বৰত নতুন দিল্লীত অনুষ্ঠিত হ’বলগীয়া জি-২০ শীৰ্ষ সন্মিলনত। এই দুয়োখন বৈঠকৰ মাজতে চীনৰ ৰাষ্ট্ৰপতি গৰাকীৰ সৈতে মোডীৰ ব্যক্তিগত বৈঠক হ’ব নে নহয় সেয়া এতিয়াও স্পষ্ট হোৱা নাই ৷
ভাৰত-চীন প্ৰকৃত নিয়ন্ত্ৰণ ৰেখাৰ পূব লাডাখৰ ডেমচাক আৰু দেপছাঙৰ কেইবাঠাইতো চীনৰ সেনাই পূৰ্বৰ স্থানৰ পৰা আগবাঢ়ি অহাৰ তিনি বছৰ অতিক্ৰম কৰিলে ৷ নতুন দিল্লীয়ে জি-২০ পৰ্যায়ত এই সমস্যাৰ সমাধানৰ বাবে আপ্ৰাণ চেষ্টা চলাইছে। পূব লাডাখত শেহতীয়াকৈ দুয়োপক্ষৰ মাজত ১৯ নং সেনা পর্যায়ৰ বৈঠকৰ পাছতো একমতত উপনীত হ’ব পৰা নাই ৷ সীমান্তত তিক্ততা আৰু সংঘাতৰ পৰিৱেশ হ্ৰাস কৰাৰ বাবে আজি চুচুলৰ দৌলতবাগ অলডিত মেজৰ জেনেৰেল পৰ্যায়ৰ আন এখন বৈঠক অনুষ্ঠিত হয়।
সীমান্তৰ পৰিস্থিতিক লৈ চাউথ ব্লকৰ চিন্তাৰ যথেষ্ট কাৰণ আছে। কেৱল জি-২০ নহয়, ৰাজনৈতিক মহলে বিশ্বাস কৰে যে আগন্তুক পাঁচ ৰাজ্যিক বিধানসভাৰ নির্বাচন আৰু তাৰ পাছত ২৪টাত লোকসভা নির্বাচনৰ সৈতে প্রকৃত নিয়ন্ত্রণ ৰেখাত চীনৰ আগ্ৰাসন মোডী চৰকাৰৰ দুর্বলতাৰ লক্ষণ হ’ব পাৰে৷ ইতিমধ্যে বিৰোধীয়ে এই বিষয়টো উত্থাপন কৰিছে। বিগত তিনিবছৰত সীমান্তত (আৰু চীনে) ভাৰতৰ বিশাল সৈন্য গঢ় লৈ উঠাটো যুদ্ধকালীন। বায়ুসেনাৰ হিচাপ অনুসৰি পূব লাডাখৰ সীমান্তলৈ ৭০ হাজাৰ সৈন্য প্ৰেৰণ কৰা হৈছে। প্ৰায় ৯ হাজাৰ টন টেংক, ৰাইফল মজুত কৰা হৈছে। বিগত কেইসপ্তাহমানৰ পৰা চৰকাৰে বিভিন্ন ধৰণে ঘোষণা কৰিছে যে সীমান্তৰ আন্তঃগাঁথনি বহুখিনি উন্নত হৈছে। শেহতীয়া প্ৰযুক্তিৰে সজ্জিত।
