এছিয়ান গেমছৰ ফাইনেলত প্ৰৱেশ কৰি পেৰিছ অলিম্পিকত স্থান নিশ্চিত কৰিলে লাভলিনাই, অসম কন্যাৰ জয়যাত্ৰা অব্যাহত

এছিয়ান গেমছত পুনৰ আন এক বৃহৎ সাফল্য লাভ কৰিলে অসম কন্যা লাভলিনা বৰগোঁহাইয়ে ৷  মহিলা বক্সিঙৰ ৭৫ কিলোগ্ৰাম শাখাত  ফাইনেলত প্ৰৱেশ কৰিছে লভলিনাই ৷ ইয়াৰ লগে লগে এছিয়ান গেমছত তেওঁ সোণ বা ৰূপৰ পদক পোৱাটো নিশ্চিত কৰিলে ৷ তদুপৰি  তেওঁ পেৰিছ অলিম্পিকলৈ যোগ্যতা অর্জন কৰাটো নিশ্চিত হ’ল ৷ কিয়নো এছিয়ান গেমছত সোণ অথবা ৰূপৰ পদক লাভ কৰা বক্সাৰে পোনে পোনে পেৰিছ অলিম্পিকত যোগদান কৰাৰ সুযোগ লাভ কৰে ৷

টকিঅ’ অলিম্পিকৰ ব্ৰঞ্জৰ পদক বিজয়ী লাভলিনাই  চতুৰতাৰে এছিয়ান চেম্পিয়নশ্বিপৰ ৰূপৰ পদক বিজয়ী থাইলেণ্ডৰ বেইছন মানিকনৰ বিৰুদ্ধে  সৰ্বসন্মতি সিদ্ধান্তৰে জয়লাভ  কৰে ৷ ৫-০ পইণ্টেৰে বাউট জয় কৰে লাভলিনাই ৷