২০২০ চনত অভিনেতা সুশান্ত সিং ৰাজপুতৰ আকস্মিক মৃত্যুৰ পিছত ৰিয়া চক্ৰৱৰ্তীৰ জীৱন ওলোটা হৈ পৰিছিল । অভিনেতাজনৰ মৃত্যুৰ বাবে তেওঁৰ প্ৰেমিক ৰিয়াক অভিযুক্ত কৰা হৈছিল। দুমাহ জেলত কটাবলগীয়া হৈছিল ৰিয়াই । ইয়াৰ পিছত যোৱা দুবছৰ ধৰি তেওঁ ৰাজহুৱা জীৱনৰ পৰা আঁতৰি আছিল। কিন্তু সুশান্তৰ স্মৃতি এৰি ৰিয়াই আগবাঢ়ি গ’ল। কেইবাটাও কাম পালে। শেহতীয়াকৈ এটা টেলিভিছন শ্ব’ত সুশান্তৰ বিষয়ে সোধাত অভিনেত্ৰীগৰাকীয়ে প্ৰয়াত অভিনেতাগৰাকীৰ মানসিক স্বাস্থ্যৰ বিষয়ে কয়। লগতে তেওঁ কয় যে সুশান্ত ডিপ্ৰেছনত ভুগি আছিল। অৱশ্যে এইবাৰ সুশান্তক পাহৰি নতুন জীৱনৰ দিশে আগবাঢ়িছে অভিনেত্ৰীগৰাকী। শেহতীয়াকৈ প্ৰেমিক নিখিল কামাথৰ সৈতে গাড়ীত একেলগে ৰিয়াক দেখা গৈছিল।
দিল্লীৰ উদ্যোগপতি নিখিল কামতৰ সৈতে প্ৰাক্তন মিছ ৱৰ্ল্ড মনুষী চিল্লাৰৰ ৰোমাঞ্চৰ বাতৰি চলিত বৰ্ষৰ আৰম্ভণিতে প্ৰকাশ পাইছিল। শুনা গৈছে যে অতি সোনকালে দুয়ো একেলগে থাকিবলৈ আৰম্ভ কৰিব। কিন্তু সেই সকলোবোৰ হোৱাৰ আগতেই তেওঁলোকৰ বিচ্ছেদ হৈছিল। কাৰণ, তৃতীয় ব্যক্তিৰ আগমন। ৰিয়াৰ বাবেই নিখিলে মনুষীক এৰি দিয়া বুলিও চর্চা আৰম্ভ হৈছে ৷শেহতীয়াকৈ ফিফা বিশ্বকাপত কাটাৰত নিখিলৰ সৈতে তেওঁক দেখা গৈছিল। নিখিল এচেট মেনেজমেণ্ট কোম্পানী ‘জিৰোধা’ৰ মুৰব্বী। ২০১৯ চনত ইটালীৰ বাসিন্দা আমাণ্ডাক বিয়া কৰাইছিল নিখিলে । কিন্তু সেই বিবাহ বেছি দিন নাথাকিল। ২০২১ চনত প্ৰথম পত্নীৰ সৈতে বিবাহ বিচ্ছেদ হৈছিল নিখিলে। ইয়াৰ পিছত কেইমাহমান মনুষীৰ লগত প্ৰেমৰ সম্পর্কত থাকে নিখিল। এই উদ্যোগপতিজনে পুনৰ ৰিয়াৰ সৈতে বিবাহত বহিব বুলি চর্চা চলিছে ৷ ।
