বিবাহপাশত আৱদ্ধ হ’ল অভিনেত্ৰী-কৰিঅ’গ্ৰাফাৰ চুমি বৰা ৷ কেইবাখনো মিউজিক এলবামৰ জৰিয়তে সুখ্যাতি লাভ কৰা চুমি খ্যাতনামা ফটোগ্ৰাফাৰ তার্কিক বৰাৰ সৈতে বিবাহপাশত আৱদ্ধ হয় ৷ ৰাজস্থানৰ উদয়পুৰত তেওঁলোকে অনুষ্ঠিত কৰিছে ডেষ্টিনেচন ৱেডিং ৷ উদয়পুৰৰ বিলাসী হোটেল ৰাফেলছত পৰিয়ালৰ সদস্যৰ লগতে অসমীয়া ছবি আৰু সংগীত জগতৰ বহুকেইগৰাকী তাৰকাৰ উপস্থিতিত শুকুৰবাৰে চুমি আৰু তার্কিক বিবাহপাশত আৱদ্ধ হয় ৷
হালধি-মেহেন্দি-সংগীতৰ লগতে বিভিন্ন অনুষ্ঠানৰো আয়োজন কৰা হয় ৷ দেশৰ আগশাৰীৰ মনীষ মালহোট্ৰাই ডিজাইন কৰা লেহেংগা পৰিধান কৰে চুমিয়ে ৷
উল্লেখ্য যে ছছিয়েল মিডিয়াত যথেষ্ট জনপ্ৰিয়তা লাভ কৰাৰ পাছতে তেওঁ অভিনয় কৰিবলৈ আৰম্ভ কৰে ৷ কেইবাটাও গীতত অভিনয় কৰি জনপ্ৰিয়তা লাভ কৰিছিল চুমি বৰাই ৷
