অসম ঔদ্যোগিক উন্নয়ন নিগম ( এআইডিচি)ৰ উপ-মহাপ্ৰবন্ধক অমিতাভ শইকীয়াক নিলম্বন কৰা হৈছে ৷ কৰ্তব্যত গাফিলতি কৰাৰ বাবে অসম ঔদ্যোগিক উন্নয়ন নিগম চমুকৈ এ আই ডি চিৰ কাৰিকৰী শাখাৰ উপ-মহাপ্ৰবন্ধক অমিতাভ শইকীয়াক নিলম্বন কৰা হৈছে। তাৎক্ষণিকভাৱে কাৰ্যকৰী হোৱাকৈ তেওঁক নিলম্বনৰ নিৰ্দেশ দিয়া হৈছে ৷
ইয়াৰ পূৰ্বেও এইগৰাকী বিষয়াক উদ্যোগ মন্ত্ৰী বিমল বৰাই ধমক দিয়াৰ লগতে সকিয়নী প্ৰদান কৰিছিল। গোলাঘাট জিলাৰ খুমটাইত নিৰ্মাণ কৰি থকা আন্তৰ্জাতিক বাণিজ্য কেন্দ্ৰ নিৰ্মাণৰ কামত অধিক লেহেমীয়া হোৱাৰ বাবে তেওঁক মন্ত্ৰীগৰাকীয়ে সকিয়াইছিল।
অক্টোবৰ মাহৰ ভিতৰত এই কাম সম্পূৰ্ণ কৰাৰ নিৰ্দেশ দিছিল যদিও সেয়া সম্পূর্ণ কৰিব নোৱাৰিলে ৷সেয়ে তেওঁক কৰ্তব্যত গাফিলতি কৰাৰ বাবে তাৎক্ষণিকভাৱে নিলম্বন কৰা হৈছে।
