শেহতীয়াকৈ সম্পূর্ণ হৈছে ‘ভুলভুলীয়া ৩’ৰ প্রথম সূচীৰ শ্বুটিং৷ মঙলবাৰৰ পৰা কলকাতাত ছবিখনৰদ্বিতীয় পর্যায়ৰ শ্বুটিং আৰম্ভ হৈছে ৷ কাৰ্তিকৰ উপৰিও এই ছবিখনত তৃপ্তী ডিমৰিও অভিনয় কৰিছে। ‘ভুলভুলেয়া’ ছবিখনৰ পিছত তৃতীয় খণ্ডত পুনৰবাৰ ঘূৰি আহিব বিদ্যা বালান। অৱশ্যে ছবিখনৰ কলকাতাৰ শ্বুটিঙত তৃপ্তী নে বিদ্যা থাকিব সেয়া এতিয়াও স্পষ্ট হোৱা নাই। বিদ্যাই প্ৰথমখন ছবিত উপস্থাপন কৰা অৱনী ওৰফে মঞ্জুলিকাৰ চৰিত্ৰত অভিনয় কৰিব। অৱশ্যে এতিয়ালৈ তৃপ্তিৰ চৰিত্ৰৰ বিষয়ে স্পষ্ট কৰা হোৱা নাই ৷
২৭ মাৰ্চত কাৰ্তিক আৰু তৃপ্তিয়ে ছবিখনৰ মুম্বাইৰ সূচী সম্পূৰ্ণ কৰে। ২০০৭ চনত পৰিচালক প্ৰিয়দৰ্শনে বলীউডত ‘হ’ৰ’ৰ কমেডী’ ধাৰা ‘ভুলভুলেয়া’ৰ এক নতুন ধাৰা কঢ়িয়াই আনিছিল। ২০২২ চনত মুক্তি লাভ কৰিছিল ছবিখনৰ ছিকুৱেল। ‘ভূলভুলেয়া ২’ ছবিখনত অক্ষয়ৰ লগত অভিনয় কৰিছিল কাৰ্তিকে। কিন্তু বিদ্যা তাত নাছিল। কলকাতাৰ উপৰিও নতুন ছবিখনৰ দৃশ্যগ্ৰহণ ৰাজস্থানতো হোৱাৰ কথা। অহা দীপাৱলীত মুক্তি পাব ছবিখন।
