বিবাহপাশত আবদ্ধ হ’ব অভিনেত্ৰী সোণাক্ষী সিনহা ৷ অভিনেতা জাহিৰ ইকবালৰ সৈতে জনপ্ৰিয় অভিনেত্ৰী গৰাকী বিবাহপাশত আৱদ্ধ হ’ব ৷ অহা ২৩ জুনত মুম্বাইৰ এখন বিলাসী হোটেলত অনুষ্ঠিত হ’ব বিবাহ অনুষ্ঠান। ইতিমধ্যে নিমন্ত্ৰণী পত্ৰ ছপা হৈছে।
খান পৰিয়ালৰ সৈতে সোণাক্ষীৰ সম্পৰ্ক অজ্ঞাত নহয়। ছলমান খানৰ জৰিয়তেই জাহিৰক লগ পাইছি সোণাক্ষীয়ে। জাহিৰ পেছাত এজন অভিনেতা। ২০১৯ চনত ‘নোটবুক’ ছবিৰ জৰিয়তে তেওঁ প্ৰথমবাৰৰ বাবে অভিনয় জগতত প্ৰৱেশ কৰে । ইয়াৰ পিছত তেওঁক ‘ডাবল এক্সএল’ আৰু ‘কিছি কি ভাই কিচি কি জান’ ছবিত দেখা গৈছিল। অৱশ্যে অভিনেতা হিচাপে জাহিৰে এতিয়াও জনপ্ৰিয়তা অর্জন কৰিব পৰা নাই ৷
যোৱা বছৰ ছলমানৰ ভগ্নী অৰ্পিতা খানৰ ঈদ পাৰ্টিত কেমেৰাৰ সন্মুখত প্ৰথম সোণাক্ষী আৰু জাহিৰক একেলগে দেখা গৈছিল ৷ শেহতীয়াকৈ অভিনেত্ৰীগৰাকীয়ে ‘হিৰামণ্ডি’ৰ প্ৰচাৰৰ বাবে ‘দ্য গ্ৰেট ইণ্ডিয়ান কপিল শৰ্মা’ৰ শ্ব’ত বিবাহৰ ইচ্ছা প্ৰকাশ কৰিছিল। অৱশ্যে জাহিৰ-সোনাক্ষীৰ বিবাহত তেনে কোনো ‘থিম’ নাই। নিমন্ত্ৰণী তালিকাত আছে সমগ্ৰ ‘হিৰামণ্ডি’ দল। ইয়াৰ বাহিৰেও ছলমান খানৰ পৰিয়ালৰ সকলোকে নিমন্ত্ৰণ কৰা হ’ব বুলি জানিব পৰা গৈছে ৷
