ৰাষ্ট্ৰীয় জুনিয়’ৰ আৰ্টিষ্টিক জিমনাষ্টিক চেম্পিয়নশ্বিপত অংশগ্ৰহণ কৰিবলগীয়া অসমৰ দলটো ইতিমধ্যেই ঘোষণা কৰা হৈছে৷ এক প্ৰেছ বিবৃত্তি যোগে অসম জিমনাষ্টিক সংস্থাৰ সাধাৰণ সম্পাদক উজ্জ্বল বৰুৱাই এই কথা অৱগত কৰে৷
পুৰুষৰ আৰ্টিষ্টিক জিমনাষ্টিকত অসমক প্ৰতিনিধিত্ব কৰিব জয়জিত বণিক, ঔম চেত্ৰী,পীয়ুষ আগৰৱালা ,হৰ্ষজ্যোতি উজীৰ আৰু উদীপ্ত বৰাই৷ আনহাতে মহিলাৰ দলটোত স্থান লাভ কৰিছে অদিতি টোডী,অন্বেষা গোস্বামী,মল্লিকা ৰাংশাল,আট্ৰিকা বৰুৱা আৰু কৌশিশ আগৰৱালে৷
ইফালে ৰিডমিক জিমনাষ্টিক শাখাত প্ৰতিনিধিত্ব কৰিব উপাসা তালুকদাৰ,অৱন্তিকা দাস আৰু জয়া স্বৰ্গীয়াৰীয়ে৷
