এচ এচ ৰাজমৌলিৰ বহু আকাংক্ষিত চলচিত্ৰ ‘আৰ আৰ আৰ’ৰ ট্ৰেইলাৰৰ শুভমুক্তিত আজি উৎফুল্লিত চলচিত্ৰ প্ৰেমী ৷২০২২ চনৰ ৭ জানুৱাৰীত মুক্তি লাভ কৰিবলগীয়া ছবিখনৰ ট্ৰেইলৰত বোলছবিখনত শক্তিশালী চৰিত্ৰ ৰূপায়ন কৰা চৰণ তেজা,জুনিঅ’ৰ এন টি আৰ,অজয় দেৱগন ,আলিয়া ভট্টকে আদিকৰি জনপ্ৰিয় অভিনেতা অভিনেত্ৰী সকলক দেখা পোৱা গৈছে ৷
বৃটিছ শাসনৰ সময়ছোৱাৰ সংঘাত ,বন্ধুত্ব ,প্ৰতাৰণা,আবেগ অনুভুতিকে আদি কৰি শক্তিশালী সংলাপ আৰু একশ্যনেৰে দৰ্শকক আকৰ্ষণ কৰা ‘আৰ আৰ আৰ’ ছবিখন অল্লুৰী সীতাৰাম ৰাজু আৰু ক’মাৰাম ভীমৰ জীৱনৰ ওপৰত আধাৰিত যি সেই সময়ত বৃটিছ শাসন আৰু হায়দৰাবাদৰ শাসকগোষ্ঠীৰ বিৰুদ্ধে মাত মাতিছিল আৰু সাহসিকতাৰে যুঁজিছিল ৷
আজি ‘আৰ আৰ আৰ’ৰ ট্ৰেইলৰ মুক্তি পোৱাৰ আগতেই বোলছবি খনৰ দুটি গীত ইতিমধ্যেই দৰ্শকৰ মাজলৈ আগবঢ়াই দিয়া হৈছে৷ আনহাতে ছবিখনে মুক্তি লাভ কৰাৰ আগতেই প্ৰায় ৯০০কোটি টকা উপাৰ্জন কৰি ‘বাহুবলী ২’ৰ ৰেকৰ্ড ভংগ কৰিবলৈ সক্ষম হৈছে৷ সেয়েহে প্ৰযোজক সকলে আশা কৰিছে যে পৰৱৰ্তী সময়ত ‘আৰ আৰ আৰ’ ছবিখনে ‘বাহুবলী ২’ৰ সকলো ৰেকৰ্ড ভংগ কৰি এক বৃহৎ পৰিমানৰ উপাৰ্জন কৰিবলৈ সক্ষম হ’ব৷
