আজি সন্ধিয়া ৬.৩০ বজাত মুক্তি পাব জনপ্ৰিয় অভিনেতা অজিতৰ বহু প্ৰত্যাশিত ছবি ‘ভালিমাই’ৰ ট্ৰেইলৰ । ইয়াকে লৈ অধীৰ আগ্ৰহেৰে বাট চাই আছে জনপ্ৰিয় তাৰকা গৰাকীৰ অনুৰাগীসকলে ৷ 
এইচ বিনোথ পৰিচালিত, বনি কাপুৰ প্ৰযোজিত আৰু অজিত অভিনীত ‘ভালিমাই’ৰ ট্ৰেইলৰ আজি ৱেবত মুক্তি দিবলৈ সাজু হৈ উঠাৰ কথা জানিব পাৰি তেওঁৰ অনুৰাগীসকলে সামাজিক মাধ্যম টুইটাৰ যোগে নিজৰ নিজৰ প্ৰতিক্ৰিয়া প্ৰকাশ কৰিছে ।
অজিতৰ বহু প্ৰতীক্ষিত ছবিখনৰ ট্ৰেইলৰে আজি সন্ধিয়া মুক্তি লাভ কৰিব বুলি জানিবলৈ পোৱাৰ পিছত অজিতৰ অনুৰাগীসকলে অভিনেতাজনৰ অভিনয় চাবলৈ অধীৰ আগ্ৰহেৰে অপেক্ষা কৰি আছে বুলি জানিব পৰা গৈছে। ইতিমধ্যেই এই বাতৰিয়ে সামজিক মাধ্যমত ধুমুহাৰ সৃষ্টি কৰিছে। এইচ বিনোথৰ দ্বাৰা পৰিচালিত ‘ভালিমাই’ বনি কাপুৰৰ এক বৃহৎ বাজেটৰ প্ৰযোজনা ।
