ৰঙিয়া মহকুমাৰ অন্তৰ্গত বালিসত্র সংস্কৃতি সুৰক্ষা মঞ্চৰ উদ্যোগত দ্বিতীয় বাৰ্ষিক বিহু নাচ আৰু বিহু ঢোলৰ কৰ্মশালাখন অহা ২৫ মার্চৰ পৰা ৩১ মার্চলৈ বালিসত্র গোপীনাথ বৰদলৈ সংঘ প্রাঙ্গনত অনুষ্ঠিত হ’ব । বিহু নাচ আৰু বিহু ঢোলৰ কৰ্মশালা মুখ্য প্ৰশিক্ষক হিচাপে উপস্থিত থাকিব জেউতি মালাকৰ কলিতাৰ লগতে সহঃ প্ৰশিক্ষক হিচাপে উপস্থিত থাকিব ক্ৰমে ডলী প্ৰভা দাস মালাকৰ, মানস জ্যোতি বেজবৰুৱা, ৰাজা ডেকা, ৰাজু দাস আৰু টিনা মণি মালাকৰ ।
উক্ত বিহু নাচ আৰু বিহু ঢোলৰ কৰ্মশালাৰ লগত সংগতি ৰাখি ৩১ মাৰ্চৰ দিনা জনপ্ৰিয় কণ্ঠশিল্পী ধীৰাজ মাধৱ আৰু চিম্পী গগৈৰ সংগীতানুষ্ঠান অনুষ্ঠিত হ’ব। দিগন্ত কুমাৰক সভাপতি, হেমন্ত কলিতাক সম্পাদক আৰু জিন্টু কুমাৰক সহঃ সম্পাদক হিচাপে লৈ বিহু নাচ আৰু বিহু ঢোলৰ কৰ্মশালা পৰিচালনা সমিতি গঠন কৰা হৈছে বুলি জনাইছে উদ্যোগতাসকলে ।
