লেপটপ, টেবলেট আৰু ব্যক্তিগত কম্পিউটাৰৰ আমদানিত তাৎক্ষণিকভাৱে নিষেধাজ্ঞা আৰোপ কৰিছে কেন্দ্ৰীয় চৰকাৰে । বৃহস্পতিবাৰে প্ৰকাশ পোৱা চৰকাৰী জাননী অনুসৰি ভাৰতে স্থানীয় উৎপাদনক উৎসাহিত কৰাৰ লক্ষ্যৰে এই সিদ্ধান্ত গ্ৰহণ কৰিছে ৷ জাননীখনত উল্লেখ কৰা অনুসৰি সীমিত আমদানিৰ বাবে বৈধ অনুজ্ঞাপত্ৰধাৰী সকলক আমদানিৰ অনুমতি দিয়া হ’ব।
এপ্ৰিল-জুন মাহত লেপটপ, টেবলেট আৰু ব্যক্তিগত কম্পিউটাৰকে ধৰি ইলেক্ট্ৰনিকছ আমদানি ১৯.৭ বিলিয়ন ডলাৰ আছিল ৷ যিটো বছৰৰ পিছত বছৰ হিচাপত ৬.২৫% বৃদ্ধি পাইছে।
ইলেক্ট্ৰনিকছ উদ্যোগৰ সংস্থা মেনুফেকচাৰ্ছ এছ’চিয়েশ্যন অৱ ইনফৰ্মেশ্যন টেকন’লজিৰ প্ৰাক্তন সঞ্চালক প্ৰধান আলী আখতাৰ জাফ্ৰিয়ে কয় যে এই পদক্ষেপৰ মনোভাৱ হৈছে স্থানীয় নির্মাতাসকলক উৎসাহিত কৰা ৷ ডেল, এছাৰ, চেমচাং, এল জি, পেনাছনিক, এপল ইনক, লেন’ভ’ আৰু এইচ পি হৈছে ভাৰতীয় বজাৰত লেপটপ বিক্ৰী কৰা কিছুমান মূল কোম্পানী ৷ ইয়াৰ যথেষ্ট অংশ চীনৰ দৰে দেশৰ পৰা আমদানি কৰা হয়।
