আজি ৩৭ সংখ্যক বিবাহ বাৰ্ষিকী উদযাপন কৰিছে বলীউডৰ জনপ্ৰিয় অভনেতা অনুপম খেৰ আৰু কিৰণ খেৰে ৷ এই উপলক্ষে অনুপম খেৰে তেওঁলোকৰ বিয়াৰ এখন পুৰণি ছবি সামাজিক মাধ্যমত শ্বেয়াৰ কৰিছে।লগতে অভিনেতাগৰাকীয়ে তেওঁৰ প্ৰিয়তমা পত্নী কিৰণ খেৰৰ বাবেও সামাজিক মাধ্যম যোগে এক বাৰ্তা প্ৰেৰণ কৰিছে। পত্নীক বিবাহ বাৰ্ষিকীৰ হিয়াভৰা শুভকামনা জ্ঞাপন কৰি ফট’খনৰ বিষয়ে তেওঁ কয় যে ৩৭ বছৰ আগৰ তেওঁলোকৰ বিয়াৰ এই ছবিখন তেওঁ ছিমলা ভ্ৰমণৰ সময়ত দেউতাকৰ ট্ৰাংকৰ পৰা বিচাৰি উলিয়াইছিল ৷
অভিনেতা গৰাকীয়ে সামাজিক মাধ্যমত এই পোষ্ট দিয়াৰ পিছতেই দুয়োকে শুভকামনা ,মৰম আৰু আশীৰ্বাদেৰে উপচাই পেলাইছে অনুৰাগীসকলে ৷
উল্লেখযোগ্য যে কিৰণ খেৰ আৰু অনুপম খেৰৰ প্ৰেম কাহিনী অভূতপূৰ্ব ৷ ১৯৮৫ চনত অনুপম খেৰৰ সৈতে বিবাহ পাশত আবদ্ধ হয় কিৰণ খেৰ। অৱশ্যে তাৰ আগতে মুম্বাইৰ এজন ধনী ব্যৱসায়ী গৌতম বেৰীৰ সৈতে বিবাহপাশত আবদ্ধ হৈছিল অভিনেত্ৰী কিৰণ ।
