এইবাৰ কি সন্মানেৰে জিলিকি উঠিল আদিল হুছেইন !

বলিউদ-হলিউডত কৰা অভিনয়ৰে নানান সন্মানেৰে সন্মানিত হোৱা অসম সন্তান আদিল হুছেইনে লাভ কৰিছে আন এক স্বীকৃতি ৷ এইবাৰ বিশ্বৰ আগশাৰীৰ বার্তালোচনী  ফর্বচৰ বর্ষশ্ৰেষ্ঠ অভিনেতাৰ তালিকাত স্থান লাভ কৰিবলৈ সক্ষম হৈছে অভিনেতাগৰাকীয়ে ৷ ২০২১ বর্ষৰ  হিন্দী ছবিৰ শ্ৰেষ্ঠ  ৮ জন অভিনেতাৰ ভিতৰত স্থান লাভ কৰিছে তেওঁ  ৷ শেহতীয়াকৈ মুক্তিপ্ৰাপ্ত বেল বটম ছবিখনত কৰা অভিনয়ৰ বাবে তেওঁক এই স্বীকৃতি প্ৰদান কৰিছে ফর্বচে ৷ আদিল হুছেইন সন্দর্ভত ফর্বচে কয় যে মুল চৰিত্ৰত  অভিনয় নকৰাকৈ দর্শকৰ দৃষ্টি আকর্ষন কৰাটো অত্যন্ত কঠিন ৷  অক্ষয় কুমাৰৰ দৰে নায়কে অভিনয় কৰা ছবিত এয়া অধিক কঠিন ৷ কিন্তু আদিল হুছেইনে সেয়া সম্ভৱ কৰি তুলিলে ৷ ফর্বচৰ তালিকাত স্থান লাভ কৰা আন অভিনেতাসকল হ’ল -অমৰুতা সুভাষ, মানৱ কৌল,ছিকন্দৰ খেৰ ,জিমি ছেৰগিল, অভিষেক বেনার্জী, সুপৰিয়া পাঠক আৰু আশুতোষ ৰাণা ৷