২০১২ চনত ৰাউডী ৰাথোৰৰ চৰিত্ৰত ডাঙৰ পৰ্দালৈ আহিছিল অক্ষয় কুমাৰ। বলীউডৰ খিলাড়ীক দ্বৈত চৰিত্ৰত দেখা গৈছিল ছবিখনত । এইবাৰ তেওঁক এই ছবিৰ ছিকুৱেলৰ পৰা বাদ দিয়া হৈছে। অক্ষয়ৰ ঠাইত অভিনয় কৰিব আন এজন অভিনেতাই।
জানিব পৰা মতে অভিনেতা সিদ্ধাৰ্থ মালহোত্ৰাই এইবাৰ ৰাউডী ৰাথোৰৰ চৰিত্ৰত অভিনয় কৰিব ৷ সম্প্ৰতি ৰোহিত শ্বেট্টীৰ ইণ্ডিয়ান পুলিচ ফৰ্চৰ শ্বুটিঙত ব্যস্ত আচে সিদ্ধার্থ । শেহতীয়াকৈ সিদ্ধাৰ্থক তেওঁৰ প্ৰায় প্ৰতিখন চিনেমাতে কেতিয়াবা সেনা বিষয়া হিচাপে, কেতিয়াবা চোৰাংচোৱা হিচাপে দেখা গৈছে। সেই কথা বিবেচনা কৰি এই ছবিখনতো অভিনেতাজনক অভিনয়ৰ সুযোগ দিছে প্ৰযোজকে।
অক্ষয় কুমাৰে ‘ৰাউডী ৰাথোৰ’ৰ দ্বিতীয় খণ্ডত অভিনয় কৰিবলৈ সন্মত হোৱা নাছিল। সেইবাবেই সিদ্ধাৰ্থক এই ছবিখনৰ প্ৰস্তাৱ দিয়া হৈছিল। দুমাহমানৰ ভিতৰত ছবিখনৰ শ্বুটিং আৰম্ভ কৰাৰ চিন্তা কৰিছে নিৰ্মাতাসকলে। ইতিমধ্যে প্ৰাৰম্ভিক কাম আৰম্ভ হৈছে। অৱশ্যে সিদ্ধাৰ্থৰ পৰা এতিয়ালৈকে কোনো তথ্য পোৱা নাই। কিন্তু অনুৰাগীসকল ছবিখনৰ দ্বিতীয় খণ্ডত অক্ষয় নথকাৰ বাবে ক্ষুব্ধ হৈ পৰিছে ৷
