বলিউডৰ সর্বকালৰ এগৰাকী জনপ্ৰিয় অভিনেতা হৈছে অমিতাভ বচ্চন ৷ ছবিজগতলৈ আগবঢ়োৱা অৱদানৰ বাবে তেওঁক দাদা চাহেব ফাল্কেকে ধৰি অসংখ্য সন্মানেৰে সন্মানিত কৰা হৈছে ৷ তদুপৰি তেওঁৰ পত্নী জয়া বচ্চনো এগৰাকী প্ৰসিদ্ধ অভিনেত্ৰী ৷ কিন্তু কি কাৰণত জয়া বচ্চনক অমিতাভ বচ্চনে বিয়া কৰাইছিল আপুবি জানেনে ? শেহতীয়াকৈ অমিতাভ বচ্চনে জয়া বচ্চনক পত্নী হিচাপে বাচি লোৱাৰ বহু কাৰণৰ ভিতৰত এটা কাৰণ প্ৰকাশ কৰিছে। অভিনেতাগৰাকীয়ে তেওঁৰ ৰিয়েলিটি শ্ব’’ কৌন বনেগা কৌৰপতিৰ শেহতীয়া প্ৰ’ম’ত প্ৰকাশ কৰা অনুসৰি জয়া বচ্চনৰ দীঘল চুলিৰ বাবে বিয়া পাতিবলৈ আগ্ৰহ প্ৰকাশ কৰিছিল ৷
প্ৰিয়ংকা নামৰ এগৰাকী প্ৰতিযোগীৰ সৈতে হোৱা কথা বতৰাত অমিতাভ বচ্চনে প্ৰিয়ংকাৰ দীঘল চুলিৰ প্ৰশংসা কৰে ৷ ইয়াৰ পাছতে তেওঁ প্ৰকাশ কৰে যে জয়া বচ্চনক দীঘল চুলিৰ বাবে বিয়া কৰাইছিল। তেওঁ কয়, “পত্নী জয়া বচ্চনক বিয়া কৰোৱাৰ এটা কাৰণ হ’ল তেওঁৰ দীঘল চুলি।” কৌন বনেগা কৌৰপতি জনপ্ৰিয় ৰিয়েলিটি শ্ব’সমূহৰ অন্যতম ৷ য’ত দীর্ঘদিন ধৰি বলিউডৰ মেগাষ্টাৰ অমিতাভ বচ্চনক দর্শকে দেখি আহিছে ৷
