অমিতাভ বচ্চনৰ বিপৰীতে এইবাৰ বলিউডৰ ছবিত দেখা যাব পুষ্পা খ্যাত ৰশ্মিকাক

পুষ্পা নামৰ ছবিখনত অল্লু অর্জুনৰ বিপৰীতে অভিনয় কৰি দর্শকৰ সমাদৰ লাভ কৰিবলৈ সক্ষম হৈছে ৰশ্মিকা মাণ্ডান্নাই ৷পুষ্পাৰ জৰিয়তে জনপ্ৰিয়তা লাভ কৰা ৰশ্মিকাই এইবাৰ অভিনয় কৰিব বলিউদৰ ছবিত ৷ বিগ বি অমিতাভ বচ্চনৰ বিপৰীতে অভিনয় কৰিব ৰশ্মিকাই ৷ ইতিমধ্যে ছবিখনৰ শ্বুটিং আৰম্ভ হৈছে ৷ গুড বাই নামৰ ছবিখনত অমিতাভ বচ্চনৰ সৈতে দেখা যাব ৰশ্মিকা ৷ বিকাশ বাহলে পৰিচালনা কৰিছে গুড বাই ৷ এইখন হ’ব ৰশ্মিকাৰ দ্বিতীয়খন বলিউডৰ ছবি ৷ ইয়াৰ পূর্বে মিছন মজনু নামৰ ছবিত সিদ্ধার্থ মালহোট্ৰাৰ বিপৰীতে অভিনয় কৰিছিল দাক্ষিণাত্যৰ নায়িকা গৰাকীয়ে ৷

উল্লেখ্য যে ৰশ্মিকা মাণ্ডান্নাই এটা বিজ্ঞাপনৰ জৰিয়তে মডেল হিচাপে কেৰিয়াৰ আৰম্ভ কৰিছিল ৷  পৰৱর্তী সময়ত  কিৰিক পাৰ্টিত ৰক্ষিত চেট্টীৰ বিপৰীতে মুখ্য চৰিত্ৰত অভিনয় কৰে ৷ প্ৰথম চলচ্চিত্ৰখনৰ সফলতাৰ পিছত, ৰশ্মিকাই পুনীত ৰাজকুমাৰৰ বিপৰীতে হৰ্ষৰ অঞ্জনী পুত্ৰ আৰু গণেশৰ বিপৰীতে চামক ছবিত চুক্তিবদ্ধ হয়। তেওঁ মহেশ বাবুৰ সৈতে চাৰিলেৰু নীকেভভাৰুত অভিনয় কৰিছিল। তেওঁক শেষবাৰৰ বাবে অল্লু অৰ্জুন আৰু ফাহাদ ফাচিলৰ সহ-অভিনেত্ৰী হিচাপে পুষ্পাত দেখা গৈছিল ৷