বিবাহ পাশত আৱদ্ধ হ’ল বিশিষ্ট সংগীতজ্ঞ এ আৰ ৰহমানৰ কন্যা খাতিজা ৰহমান ৷ অডিঅ’ অভিযন্তা ৰিয়াছদিন ছাইক মহম্মদৰ সৈতে বিবাহ পাশত আৱদ্ধ হয় খাতিজা ৷ গ্ৰেমী বঁটা বিজয়ী এ আৰ ৰহমানে খাতিজা আৰু ৰিয়াছদিনৰ বিয়াৰ এখন ফটো তেওঁৰ ইনষ্টাগ্ৰাম প্ৰফাইলত শ্বেয়াৰ কৰি এনেদৰে লিখিছে “সৰ্বশক্তিমানজনে দুয়োকে আশীৰ্বাদ কৰক ৷ আপোনালোকৰ শুভকামনা আৰু মৰমৰ বাবে আগতীয়াকৈ ধন্যবাদ জনাইছো।”
খাতিজাই বিয়াৰ এখন ফটো ইনষ্টাগ্ৰামত শ্বেয়াৰ কৰিছে আৰু লিখিছে “মোৰ জীৱনৰ আটাইতকৈ প্ৰতীক্ষিত দিন। মোৰ মনৰ মানুহ ৰিয়াছদীনৰ সৈতে বিবাহ পাশত আৱদ্ধ হ’লো ।“
এ আৰ ৰহমানৰ পোষ্টৰ পাছতে গায়িকা শ্ৰেয়া ঘোষালে লিখিছে: “আন্তৰিক অভিনন্দন খাতিজা ৰহমান আৰু ৰিয়াছদিন। ঈশ্বৰে সুন্দৰ দম্পতীহালক আশীৰ্ব্বাদ কৰক।” চলচ্চিত্ৰ প্ৰযোজক বনি কাপুৰে শুভেচ্ছা জ্ঞাপন কৰি কয় – “দুয়োকে অভিনন্দন, দম্পতীহালক অতি সুখী আৰু আনন্দময় জীৱনৰ শুভেচ্ছা জনাইছো।” খাতিজা আৰু ৰিয়াছদিনে যোৱা বছৰৰ ডিচেম্বৰত বাগদান সম্পন্ন কৰিছিল।
