এইবাৰ বলিউডৰ চুপাৰষ্টাৰ অক্ষয় কুমাৰ বহুল ভাৱে চৰ্চিত হৈছে তেওঁৰ মুক্তিপাবলগীয়া নতুন ছবি ‘বচ্চন পাণ্ডে’ৰ বাবে ৷ চলিত বৰ্ষৰ ১৮মাৰ্চত মুক্তি পাবলগীয়া ছবিখনত এইবাৰ সম্পূৰ্ণ বেলেগ ৰূপত অনুৰাগীসকলে দেখা পাব জনপ্ৰিয় অভিনেতা গৰাকীক ৷
মুক্তিপাবলগীয়া ছবিখনক লৈ যথেষ্ট উৎসাহী হৈ পৰিছে চলচিত্ৰ প্ৰেমী সকল ৷ শেহতীয়াকৈ সামাজিক মাধ্যমত সাংঘাটিক ভাৱে ভাইৰেল হৈ পৰিছে ছবিখনৰ এটা ট্ৰেইলৰ ভিডিঅ’ ৷ ট্ৰেইলৰ টোত মুখ্য চৰিত্ৰ ৰূপায়ণ কৰা অক্ষয় কুমাৰক এইবাৰ দেখা পোৱা গৈছে এক বিচিত্ৰ ৰূপত ৷ তিনি মিনিটৰো অধিক সময়ৰ এই ট্ৰেইলৰটোত চুপাৰষ্টাৰ গৰাকীক এজন ঘাতক গেংগষ্টাৰৰ ৰূপত দেখা গৈছে ৷ আনহাতে মুখ্য চৰিত্ৰত শক্তিশালী অভিনয় কৰা অক্ষয় কুমাৰ আৰু কৃতিৰ উপৰিও পংকজ ত্ৰিপাঠী,প্ৰতীক বব্বৰ,সঞ্জয় মিশ্ৰ,জেকলিন ফাৰ্ণাণ্ডেজ আৰু অৰচদ ৱাৰ্চীৰ দৰে ভালেকেইগৰাকী জনপ্ৰিয় অভিনেতাই ছবিখনত শক্তিশালী চৰিত্ৰত অভিনয় কৰিছে ৷
