শেহতীয়াকৈ হৃদৰোগৰ পৰা আৰোগ্য লাভ কৰি মনৰ যত্ন লৈছে বলীউডৰ অভিনেত্ৰীগৰাকীয়ে। এই মনৰ আঁৰৰ ব্যক্তিজন আন কোনো নহয়, সুস্মিতাৰ প্ৰাক্তন প্ৰেমিক ৰহমান শ্ব’ল। শেহতীয়াকৈ ছ’চিয়েল মিডিয়াত প্ৰাক্তন প্ৰেমিকৰ সৈতে পুনৰ সম্পর্ক কথা প্ৰকাশ কৰিছে অভিনেত্ৰী গৰাকীয়ে ৷
২০১৮ চনৰ পৰা দুয়োৰে মাজত প্ৰেম আৰম্ভ হৈছিল । মহামাৰীৰ সময়ত একেলগে থকাৰ পৰা একেলগে ভ্ৰমণ কৰিছিল সুস্মিতা আৰু ৰহমানে ৷ ২০২১ চনত সম্পৰ্ক শেষ কৰাৰ পিছতো ৰহমানে সুস্মিতাৰ সংগ এৰি যোৱা নাছিল। পাৰিবাৰিক অনুষ্ঠানৰ পৰা আৰম্ভ কৰি চিকিৎসালয়লৈকে সকলোতে সুস্মিতাৰ ছায়া হৈ আহিছে ৰহমান। শেহতীয়াকৈ তেওঁক মায়ানগৰীত বঁটা প্ৰদান অনুষ্ঠানতো সুস্মিতাৰ সৈতে দেখা গৈছিল। ইভেণ্টলৈ যোৱাৰ পূৰ্বে ৰেড কাৰ্পেটত কেমেৰাৰ সন্মুখত একেলগে প’জও দিছিল। এই অনুষ্ঠানৰ এখন ছবি ছ’চিয়েল মিডিয়া পেজত পোষ্ট কৰে সুস্মিতাই। ছবিখনত বলীউডৰ অভিনেত্ৰীগৰাকীৰ কাষত বহি আছে ৰহমান। কাণে কাণে কথা পাতিছে। দুয়োৰে মাজত প্ৰায় দূৰত্ব নাই। এই ছবিখন ছ’চিয়েল মিডিয়া পেজত পোষ্ট কৰাৰ সময়ত সুস্মিতাই এটা সুন্দৰ বৰ্ণনা লিখিবলৈ নাপাহৰিলে। ৰহমানক টেগ কৰি সুস্মিতাই লিখিছে, “সুন্দৰ ছবি”, লগতে এটা চুমাৰ ইমোজি। প্ৰেমৰ সম্পৰ্কত বিচ্ছেদ ঘটিছিল যদিও তাৰ পিছতো দুয়োৰে মাজত প্ৰেমৰ অভাৱ নাছিল।
মাৰ্চ মাহত হৃদৰোগ ধৰা পৰাৰ পিছত সুস্মিতাৰ সৈতে পুনৰ ঘনিষ্ঠ হৈ পৰে ৰহমান। ৰহমান সুস্মিতাৰ লগত হস্পিতাললৈ গ’ল। ফেশ্বন শ্ব’লৈও তেওঁৰ লগত গৈছিল। আনকি পাৰিবাৰিক অনুষ্ঠানতো দুয়োকে একেলগে দেখা গৈছে। ৰহমানৰ সৈতে বিচ্চেদ ঘটাৰ পাছত ললিত মোদীৰ সৈতে দেখা গৈছিল সুস্মিতাক ৷ সেই সময়ত ললিত মোদীৰ সৈতে ‘বিয়াত বহাৰ উৰাবাতৰিও প্ৰকাশ পাইছিল ৷
