জনপ্ৰিয় অভিনেতা বিকি কৌশলৰ পৰৱর্তী ছবিৰ নাম ঘোষণা কৰা হৈছে ৷ বিকিক সম্পূর্ণ নতুন ৰূপত দেখা যাব পৰৱৰ্তী ছবি ‘গোবিন্দ নাম মেৰা’ত ৷কমেডী ছবিখন অৱশ্যে চিনেমাগৃহত মুক্তি দিয়া নহ’ব ৷ ইয়াৰ বিপৰীতে ছবিখন অ’টিটি প্লেটফর্মত মুক্তি লাভ কৰিব ৷ ছবিখনৰ তিনি মুখ্য অভিনেতা হৈছে বিকি কৌশল, ভূমি পাৰনেকাৰ আৰু কিয়াৰা আদৱানী ৷ অহা ১৬ ডিচেম্বৰত মুক্তি পাবলগীয়া ছবিখনত বিকিয়ে নৃত্যশিল্পীৰ চৰিত্ৰত অভিনয় কৰিছে। অভিনেতাগৰাকীৰ পোষ্টাৰত জিন্স, গেঞ্জি আৰু চাৰ্ট পিন্ধি থকা অৱস্থাত দেখা গৈছে।
ছবিখনৰ প্ৰযোজন কৰণ জোহৰৰ ৷ টুইটাৰযোগে কৰণ জোহৰে ছবিখনৰ মুক্তিৰ দিন ঘোষণা কৰাৰ লগতে পোষ্টাৰ মুকলি কৰে ৷ কিছুদিন পূৰ্বে বিকি কৌশল আৰু কৰণ জোহৰে ছবিখন অ’টিটি প্লেটফৰ্মত মুক্তি পোৱাৰ কথা ঘোষণা কৰিছিল। ছবিখনত বিকিৰ পত্নী আৰু প্ৰেয়সীৰ চৰিত্ৰত অভিনয় কৰিব ভূমি আৰু কিয়াৰাই ৷ ৰোমাঞ্চকৰ কাহিনীৰে মাজেৰে গোবিন্দা নামৰ এটা চৰিত্ৰৰ জীৱনক লৈ ছবিখন নির্মাণ কৰা হৈছে ৷
