টলিউডৰ চুপাৰষ্টাৰ মহেশ বাবু হৈছে দাক্ষিণাত্যৰ এজন জনপ্ৰিয় তাৰকা। ৪ বছৰ বয়সত দশাৰী নাৰায়ণৰ দ্বাৰা পৰিচালিত নিডিয়া চলচ্চিত্ৰৰ জৰিয়তে অভিনয় আৰম্ভ কৰা অভিনেতা গৰাকীয়ে ৰাজাকুমাৰুডু (১৯)ত প্ৰীতি জিণ্টাৰ সৈতে নায়ক হিচাপে আত্মপ্ৰকাশ কৰাৰ আগতে ৯ খন চলচ্চিত্ৰত শিশু অভিনেতা হিচাপে অভিনয় কৰিছিল । তেতিয়াৰ পৰাই চুপাৰষ্টাৰ গৰাকীয়ে প্ৰতিখন চলচ্চিত্ৰৰ সৈতে বক্স অফিচৰ ৰেকৰ্ড ভাঙিবলৈ সক্ষম হৈছে। অক্কাডু, আথাডু, ডুকুডু, শ্ৰীমানথুডু আৰু ভাৰত আনে নেনুৰ দৰে চলচ্চিত্ৰত তেওঁৰ উৎকৃষ্ট প্ৰদৰ্শন আৰু অনন্য সংলাপ প্ৰদানৰ বাবে চলচ্চিত্ৰ জগতত তেওঁ এক বিশেষ স্থান লাভ কৰিছে।
তেওঁৰ অনবদ্য অভিনয় দক্ষতাৰ উপৰিও, তেওঁৰ আকৰ্ষণীয় ব্যক্তিত্বৰ বাবেও তেওঁ সকলোৰে প্ৰিয়। আনহাতে তেওঁৰ আকৰ্ষণীয় চেহেৰাৰ বাবেও অভিনেতা-প্ৰযোজকজন সকলোৰে মৰমৰ৷ অভিনেতাজনৰ সমগ্ৰ বিশ্বতে অপৰিসীম অনুৰাগী আছে আৰু তেওঁক ‘প্ৰিন্স অৱ টলিউড’ আৰু ‘গ্ৰীক গড অৱ টলিউড’ বুলি জনা যায়।
চুপাৰষ্টাৰ মহেশ বাবুৰ অজি ৪৭ তম জন্মদিন। তেওঁ দেশৰ এজন সৰ্বকালৰ হাৰ্টথ্ৰব । আকৰ্ষণীয় হাঁহি আৰু দীঘল চুলিৰে মহেশ বাবু সদায় জনপ্ৰিয়তাৰ শীৰ্ষত ।
তেওঁৰ অনুৰাগীসকলৰ দ্বাৰা মহেশ বাবুৰ জন্মদিন উপলক্ষে তেওঁৰ ২০০৩ চনৰ ৰোমাণ্টিক একচন ড্ৰামা পোকিৰিৰ এক বিশেষ স্ক্ৰীণিং আয়োজন কৰা হৈছে। উল্লেখনীয় যে তেওঁলোকে এমবি ফাউণ্ডেচনৰ জৰিয়তে দৰিদ্ৰ শিশুসকলৰ বাবে শিশুৰ হৃদযন্ত্ৰৰ অপাৰেচন আৰু শিক্ষাত সহায় কৰিবলৈ পোকিৰি বিশেষ অনুষ্ঠানৰ সম্পূৰ্ণ পাৰিশ্ৰমিক দান কৰাৰ সিদ্ধান্ত লৈছে।
